Matewu 10:1 - Bhibhiliya Nya Guage

¹ Jesu a di rana vapizane, nya likhumi na vavili a gu va ninga tshivba nya gututumise maphuvbo nya guvivbe ni gu hawulugisa madwali ni mafumbu yatshavbo nya dzingumbe.

Matewu 10:1 Iomraidhean Croise

Matewu 19:28

Jesu a di va hakha, khuye: “Khu lisine nyi ngu mi embelani: Mufumoni wa Nungungulu, gikhati Mwamana wa Muthu a na khalago vbagikhalotunu gwaye nya gutale khu gidhumo, enu mu na nyi landrela, mu na khalani vbasikhalotunu, gasi gu lamulani mahundzu yatshavbo nya likhumi na mavili ya Israyeli.

Matewu 26:20

Na li hwide, Jesu a di khala vbamezatunu ni vapizane vaye vatshavbo nya likhumi na vavili.

Matewu 26:47

Na nga guganela, a di bela moyo nya vale nya likhumi na vavili, nari ni libutho nya likhongolo nya vathu, va nga rumedwago khu vakhongolo nya vaphasi ni madhota, na vari ni matshari ni sighomba.

Matewu 4:23

Jesu a di gimbila tigoni gwatshavbo ga Galileya, na gu hevbudza mudzinyumbani nya nombelo, gumogo ni gu tivisa Mahungu nya Yadi nya mufumo, na gu hawulugisa vathu dzingumbe dzawe dzatshavbo, ni madwali.

Matewu 6:13

U nga hi digi hi gu thega mugusengwani, aholu hi vbulugise guvivbani.’ Khwago mufumo ni tshivba ni wudhumo kala gupindruga. Amen.

Matewu 9:35

Jesu a di gu gimbila gimbila ni madhoropa ni mitalala, na gu hevbudza dzinyumbani gwawe nya nombelo ni gutshumayela Ivhangeli nya mufumo, gumogo ni gu hawulugisa madwali yatshavbo ni dzingumbe dzinyumbani gwawe nya nombelo ni gutshumayela.

Matewu 9:38

Khu kharato, lombani ga mune lithembwe a rumele vavbweri nya dzimbewu dzaye.”

Luka 10:19

Dzitini nya gukhenu nyi mi ningide tshivba nya gugandre dzinyoga ni dzihume, gumogo ni tshivba nya gupale wuhungu watshavbo wa nala. Gi mwalo gi na gu mi girago gilo.

Luka 21:15

kholu eni mune nyi na mi ningani magana nya guti, ayo valala va na gumba dzi kodzago gu ma bomba.

Luka 24:49

Eni nyi na mi rumelani igyo nyi nga thembiswa khu Babe wangu. Aholu indra bani mu khala dhoropani kala mu gu hakha tshivba ya vbatshani.”

Luka 6:13

Na gugide, a di rana vapizane, gasi gu hatha, vbakari gwawe, likhumi na vavili, avo a nga va ranago vapostoli:

Johane 17:2

kholu u mu ningide tshivba nya gufumele sivangwa satshavbo, gasi a ninge guvbanya nya gupindruge vatshavbo vale u nga mu ningago.

Johane 3:27

Johane a di phindrula, khuye: “Mwalo a dzi kodzago gu hakha gilo a gu bani a sa ningwa khu Ndzadzini.

Johane 3:35

Babe a ngu gola Mwanaye, gambe vegide silo satshavbo mandzani gwaye.

Johane 6:70

Jesu a di va phindrula, khuye: “Ina khandreni nyi mi hathidego enu nya likhumi na vavili, gani? Ambari ulo, moyo wanu Sathane.”

Mithumo 1:8

Gasi enu, mu na hakha tshivba gikhati Liphuvbo nya Guage li na gu tshigago gwanu. Mu na khala dzifakazi dzangu gukhugela Jerusalema ni Judheya gwatshavbo, ni Samariya, kala mahegiso nya mafu.”

Mithumo 19:15

Aholu liphuvbo nya guvivbe li di hakha, khilo: “Jesu nyi ngu muti gwadi, Pawulo nuye nyi ngu muti. Ahati enu, khenu va mani?”

Gutuledwa 12:1

Gi di tumbuluga giwoniso nya gikhongolo ndzadzini: Nyamayi nya gukari na ambade lidambo, na gandride ngima vbavbatshi nya migondro yaye. Hungoni gwaye a diri ni gihugu nya gulugwe khu likhumi na dzimbili dzinyeledzi.