Marko 9:27 - Bhibhiliya Nya Guage

²⁷ Aholu, Jesu a di gi phara khu libogo a gi wusa, gikhwathana gi di khuga gi ema.

Marko 9:27 Iomraidhean Croise

Isaya 41:13

Kholu eni, Pfhumu Nungungulu wago, nyi ngu gu phara khu libogo lago la nyamudye, nyi gu embela, kheni: U nga thavi, eni nyi ngu gu phasa.

Matewu 9:25

Na va dugide vatshavbo vbavbandze, Jesu a di bela. Na mu pharide khu libogo, nyamahegyane a di wuga.

Marko 1:31

Na mu yede, a diya mu phara khu libogo a gu mu wusa. Khavbo avbo, feveri yi di dzegela guvbindra, a gu wuga a va sayisa.

Marko 1:41

Jesu a di mu pwela wusiwana a mu handzega mandza, a mu embela, khuye: “Nyi ngu dzina. Agiswa.”

Marko 5:41

A di mu phara khu libogo a mu embela, khuye: “Talitha, kumi”- gu tshamusago pwani: “Nyamahegyane, nyi ngu gu ruma, wuga.”

Marko 8:23

A di dzega gikhumu a gi phara khu libogo, a gu duga naye vbavbandze nya talala. A di mu todza dzindrura mahoni a mu handzega mandza, a mu wudzisa, khuye: “U ngu wona gilogyo, gani?”

Marko 9:26

Liphuvbo li di womba huwa, li gi dzudza khu tshivba ni tshivba, li duga, gikhwathana gi di dzima. Nya vangi va di pimisa gukhavo gi fude.

Marko 9:28

Gikhati Jesu, a bedego nyumbani, vapizane vaye va di mu wudzisa vari venga, khavo: “Khu ginani ethu hi nga tandrega gu li tutumisa?”

Mithumo 23:19

Ndruna yi di dzega gikhwathana yi gu hongola nagyo khu phuvbo yi ya gi wudzisa, khiyo: “Ginani u vbwetago gu nyi embela?”

Mithumo 3:7

A di mu phara khu mandza ya nyamudye a gu mu khusa. Khu gikhati gyogyo, migondro ni sitshinandro saye, si di tiyela;

Mithumo 9:41

Pedro a di mu phara khu mandza, a mu phasa gu khuga a ema. Khavbo avbo, a di rana sihathwa ni dzinoni a va ninga muthu wawe na gu vbanya.