Marko 9:18 - Bhibhiliya Nya Guage

¹⁸ Ni evbini avba li gunago, la gu mu dugela, li mu thesa vbavbatshi, a pupuma liguvi khu kanani ni gu khukhurusa magwaha, a banga sivbango. Nyi di lomba vapizane vago gu li tutumisa, aholu kha va li kodza.”

Marko 9:18 Iomraidhean Croise

Joba 16:9

Uwe Nungungulu, u nyi vbadzulede khu likhulo lago, U nyi khukhurusela magwaha; valala vangu va gu nyi laludzela khu maho nya guthise.

Dzindzimo 112:10

Muthu nya guvivbe a gu wona esi a napwa wuvi; a tala khu lidiwo ni guvbisega, a khukhurusa magwaha; aholu mapimo yaye ma na hegisa khu gu fuva.

Matewu 15:22

Khavbo avbo, nyamayi moyo nya mukhanani, a nga bani a guta khu phuvbo ga iyoyo, a di phela gu gulumela, khuye: “Pfhumu, Mwamana wa Dhavhidhe, nyi pwele wusiwana. Nyamahegyane wangu a ngu saniswa ngudzu khu liphuvbo nya guvivbe.”

Matewu 17:16

Nyi di mu reside ga vapizane vago, aholu kha va dzi kodza gu mu hawulugisa.”

Matewu 8:12

gasi va mune thomba va na rinywa vbavbandze, mugidemani, avbo va na guya lilago ni gu ketsa magwaha.”

Marko 11:23

Kholu Khu lisine nyi ngu mi embelani gukheni, muthu a gu embela gigomo gegi khuye siguga khavba uya thegela phwani, na si kanakani monyoni gwaye, aholu a khodwa gukhuye esi a ganelago si na girega, khu lisine furi si na girega kharalo.

Marko 9:17

Moyo nya gidzemo, a di khuye: “Muhevbudzi, nyi gu resede mwamana wangu a saniswago khu liphuvbo nya guvivbe, li mu giridego gidudu.

Marko 9:19

Jesu a di khuye: “Vathu nyamba khodwa! Nyi na khala nanu kala lini? Nyi na mi timisela kala lini? Mu reseni eno.”

Marko 9:20

Va di mu yisa gwaye. Liphuvbo nya guvivbe, na li wonide Jesu li di dzudza gikhwathana khu tshivba ni tshivba, li gi thesa vbavbatshi gi gu kuya ni gu pupuma liguvi khu kanani.

Marko 9:26

Liphuvbo li di womba huwa, li gi dzudza khu tshivba ni tshivba, li duga, gikhwathana gi di dzima. Nya vangi va di pimisa gukhavo gi fude.

Mithumo 7:54

Na va pwide magana yaya va di khunguvanyega myonyoni gwawe, va gu khukhurusela magwaha Sitefane khu likhulo.

Judha 1:13

mavimbi nya guvbenye ya linene, ma gugumugago ma pupuma liguvi nya siguro sawe nya dzitshoni; nga dzinyeledzi dzi legalegago, dzi vegedwego wulanga gidemani nya guthise ngudzu, kala gupindruga.