Marko 8:6 - Bhibhiliya Nya Guage

⁶ A di va ruma gu khala vbavbatshi. Na dzegide sibaba sile nya livbandre na sivili, a di bonga, a si kabanisa, a ninga vapizane vaye va kabanisela gidzemo.

Marko 8:6 Iomraidhean Croise

Matewu 26:26

Vbakari nya gilalelo, Jesu a di dzega gibaba, na gi kategiside, a di gi kabanisa, a gi ningela ga vapizane vaye, khuye: “Dzegani mu hodza. Egi givili gyangu.”

Marko 8:20

Ahati iso mu nga tadzago litshigu lile nyi nga kabanisago livbandre na sivili sibaba nyi hodzisa magumana mazana vathu? Va di khavo: “Livbandre na sivili.”

Marko 8:5

Jesu a di va wudzisa, khuye: “Sibaba singani mu gu naso?” Va di khavo: “Livbandre na sivili.”

Marko 8:7

Va diri gambe ni dzindzandzyana, Jesu a di dzi kategisa a va ruma va kabanisela gambe.

Luka 12:37

Si kategide sithumi sile si na ta manwago khu pfhumu yawe na si lindrede. Khu lisine nyi ngu mi embelani nya gukheni: A na sumela mwendra mu giwununi, a gu si khadzisa vbavbatshi, gasi gu si phamela.

Luka 24:30

Na khade vbamezatunu, a di dzega gibaba, a gi kategisa, a gi kabanisa, a va ninga.

Johane 2:5

Mayi waye a di embela sithumi, khuye: “Girani satshavbo iso a na gu mi rumago.”

Johane 6:23

Dzi di vbohide dzimbe dzingalava khu Tibheriyade vbafuvbi ni vbale va nga hodzago sibaba si nga kategiswa khu Pfhumu.

Varoma 14:6

Oyu a gukhuye matshigu nya gukari makhongolo, a gu girela gu rungudza Pfhumu. Oyu a hodzago satshavbo a ngu rungudza Pfhumu, kholu a ngu bonga Nungungulu. Oyu a si hodzigo nuye a gu girela gu rungudza Pfhumu, a ngu mu bonga nuye.

Vakolosi 3:17

Silo satshavbo mu na ganelago mwendro gu si thuma girani khu lina la Pfhumu yathu Jesu Kristo, mu bonga Nungungulu Babe khu uye.

1 Samuweli 9:13

Mwa gu bela dhoropani, mu na dzegela gu mu mana na si gu gweli wulangani nya gigomo gasi guya hodza; kholu vathu kha va na hodza na si gu vbohi, uye khuye a kategisago phaso, khu hwane, khavbo va hodzago vale va rambidwego. Gwelani khu guvbiredza, mu naya dzegela gu mu mana.