Marko 8:38 - Bhibhiliya Nya Guage

³⁸ Kholu oyu a khalago dzitshoni khu eni ni magana yangu vbakari nya melego yoyu nya vathu nya sibhayi ni sighohi, Mwamana wa Muthu a na mu khalela nuye dzitshoni litshigu a na wuyago na tade khu wudhumo wa Babe waye, vbakari nya dzingilozi nya guage.”

Marko 8:38 Iomraidhean Croise

Dhaniyeli 7:10

Wu di duga tsongo nya nilo khu mbeli gwaye, a thumedwa khu mazanazana nya vathu; mbeli gwaye gu diri ni makhulukhulu nya vathu. Phathani gu di phedwa gu lamudwa mahungu, gu tudwa mabhuku.

Dhaniyeli 7:13

Umo nya siwoniso sangu nya wutshigu, nyi di wona na guta khu mapfhini ya ndzadzini, moyo nya gufanane ni mwamana wa muthu. Ata ga wule a nga bani ari lidhota khu gale, va mu hidzimisa vbafuvbi gwaye.

Zakariya 14:5

Enu mu na tutuma mu thava khu releloni vbakari nya sigomo sangu, kholu kova wu na relela kala Azeli, mu na thavani kharati kha nga idzo mu tutumidego khidzo gikhati nya girevareva gi manegidego matshiguni ya Uziya, mufumeli wa Judha; khavbo avbo, a na vboha Pfhumu Nungungulu wangu na randredwe khu sihathwa satshavbo.

Matewu 12:39

Uye a di va hakha, khuye: “Mela nya vathu nya guvivbedwe khu monyo ni wuphuphulu mwa guvbweta giwoniso; gimwalo gimbe giwoniso mu na gu ningwago, vbavbandze nya giwoniso gya muprofeti Jona.

Matewu 13:41

Mwamana wa Muthu a na rumela dzingilozi dzaye dzi dusela Mufumoni gwaye satshavbo sikhunguvanyiso ni ava va girago guvivba,

Matewu 16:27

Kholu Mwamana wa Muthu a nata ni dzingilozi dza Nungungulu, na tade khu gidhumo gya Babe waye, ata ninga moyo ni moyo, tshatshazelo waye gukhedza khu mithumo yaye.

Matewu 16:28

Khu lisine nyi ngu mi embelani nya gukheni: Vomo hi gu navo avba va na gumba linga lufu, kala va gu wona Mwamana wa Muthu na guta ni mufumo waye.”

Matewu 16:4

Mela yoyu nya vathu nya guvivbedwe khu monyo, va si khodwigo, wa gu lomba giyeyedzo! Aholu kha va na ningwa gimbe giyeyedzo vbavbandze nya giyeyedzo gya Jona.” Khavbo avbo, a di va ditsha a khuga a gu hongola.

Matewu 24:30

Khavbo avbo, gu na wonega Ndzadzini giyeyedzo gya Mwamana wa Muthu, giyeyedzo gi na gu girago vathu vatshavbo nya mafu va lila khu gu wona Mwamana wa Muthu na guta vbakari nya lipfhi, na tade khu tshivba nya yikhongolo ni gidhumo.

Matewu 25:31

“Gikhati Mwamana wa Muthu a na gu tago na tade khu gidhumo gyaye, nari ni satshavbo sihathwa ni dzingilozi dzatshavbo, gumogo naye a nata khala vbagikhalotunu gwaye nya wufumu.

Matewu 26:64

Jesu a di mu hakha, khuye: “U ganede. Ambari ulo nyi ngu mi embelani: Tshigu mwedo mu na wona Mwamana wa Muthu na khade nyamudye ga Nungungulu nya tshivba tyatshavbo, na guta khu mapfhini ya Ndzadzini.”

Matewu 8:20

Jesu a di mu hakha, khuye: “Migehe yi na ni mavbala yawe; sinyoni sa damboni si na ni sihaga sawe. Aholu Mwamana wa Muthu mwalo avbo nya gukhihimele hungo waye.”

Marko 13:26

Khavbo avbo, va na wona Mwamana wa Muthu na gu tshiga khu vbakari nya lipfhi na tade khu tshivba nya yikhongolo ni gidhumo.

Marko 14:62

Jesu a di khuye: “Kheni. Mu na wona Mwamana wa Muthu na khade nyamudye ga Nungungulu nya Tshivba Yatshavbo, na gu tshiga khu Ndzadzini vbakari nya mapfhi.”

Marko 8:37

Ginani muthu a na gu ningelago gasi gu dzegisa hefemulo waye?

Luka 19:26

Uye a di khuye: ‘Nyi ngu mi embelani, khu lisine, kheni: Watshavbo wule a gu naso, a na ningwa, gasi wule a gu mwalo gilo, ambari esi a gu naso a na dzegedwa.

Luka 9:26

Kholu, uye a na khalago dzitshoni khu kotani yangu mwendro khu kotani nya mahungu yangu, Mwamana wa Muthu a na mu khalela nuye dzitshoni litshigu a na tago na tade khu gidhumo gyaye ni gya Babe, nigyo nya sihathwa nya guage ni dzingilozi!

Johane 1:14

Lito li di dzi gira muthu, li gu vbanya vbakari gwathu. Ethu hi wonide gidhumo gyaye, gidhumo li nga ningwago khu Babe waye, kha nga Mwamana wa moyo nya gutale khu wuhigo ni lisine.

Johane 1:51

A di tadzisa, khuye: “Khu lisine, nyi ngu mi embelani, kheni: Mu na wona Ndzadzini na gu tudwe; dzingilozi dza Nungungulu na dzi gu lita ni gutshiga ga Mwamana wa Muthu.”

Johane 12:34

Gidzemo gi di mu hakha, khigyo: “Nayo wu ngu hi hevbudza nya gukhuwo Kristo a na vbanya kala gupindruga. Khu ginani u gukhuwe Mwamana wa Muthu a na ni fanelo nya gu khusedzwe? Khu mani Mwamana yoyo wa Muthu?”

Johane 5:27

A mu ningide tshivba nya gulamule, kholu a gu Mwamana wa Muthu.

Mithumo 10:22

Avo va di hakha, khavo: “Hi di rumwa khu Korineliyo, muthangeli nya gikwata nya lizana masotshwa, muthu nya ndruda ni githawo ga Nungungulu, uye a zundzwago khu litigo latshavbo nya Vajudha. A di embedwa khu ngilozi ya Nungungulu gu gu ranisa u hongola ndrangani gwaye, gasi uye aya yingisa magana yago.”

Mithumo 5:41

Vapostoli va di duga khu phathani na va tade khu gunengela, kholu Nungungulu a di va ningide wuhigo nya gusaniswe khu kotani nya lina la Jesu.

Varoma 1:16

Eni kha nyi khali dzitshoni khu Ivhangeli, kholu iyo khiyo yi gu tshivba ya Nungungulu gasi gu vbanyisa vatshavbo vale va khodwago, guphela khu Vajudha kala va nya mayigo.

Vagalatiya 6:14

Gasi eni, kha nyi vbweti gu dzi zundza khu gimbe gilo; wangu wuzundzo nya gu wu mana basi vbagihambanotunu gya Pfhumu yathu Jesu Kristo. Khu kotani nya gihambano, litigo li fude ga eni, kha nga aneni nyi fudego ga litigo.

Dhewuteronome 33:2

Khu guralo, a di ganela, khuye: Pfhumu Nungungulu dzude khu Sinayi, a dzi wonegiside gwawe khu Seyiri, a ngangamela gukhugela gigomoni ga Parani; a dita ni gidzemo nya likhumi magumi mazana (10.000) va nya guaga, khu nyamudye gwaye, wu di romo nilo nya Nayo wu lumbago avo.

1 Vatesalonika 2:19

Gikhati Pfhumu yathu Jesu Kristo a na gutago, khu mani a na khalago gutumba gwathu, ni gutsaka gwathu, ni ndronga yathu nya wudhumo mbeli gwaye, vbavbandze ga enu?

1 Vatesalonika 3:13

Khu guralo, myonyo yanu yi na bani yiri gululamani nya gwadi, khavbo mu na gu kodzago guya emani mbeli ga Nungungulu, Babe wathu, na mu agide, muri mwalo nandru, gikhati Pfhumu yathu Jesu Kristo a na gu wuyago ni sihathwa saye satshavbo.

2 Thimoti 1:12

Khu kharato, nyi ngu saniseka khu silo sesi. Ambari ulo kha nyi khali dzitshoni kholu, nyi ngu muti oyu nyi vegidego gwaye gutumba gwangu, nyi ngu khodwa kheni khuye a gu na ni tshivba nya gu nyi sayise thumoni gwangu, kala nyi gu wu vbohisa mahegiso.

2 Thimoti 1:16

Nungungulu a na girela wuhindzi ndranga ya Onesiforo kholu matshigu nya mangi a di nyi tangadzisa, a di si khali dzitshoni khu gumodwa gwangu.

2 Thimoti 1:8

Khu kharato, u nga khali dzitshoni gu fakaza Pfhumu yathu, gambe u nga khali dzitshoni khu eni nyi gu gibotshwa khu kotani yaye. Aholu saniseka gumogo ni eni khu kotani nya Ivhangeli nu gu tiyiswa khu tshivba ya Nungungulu.

Vahebheru 11:16

Aholu, avo va di vbweta litigo nya ladi ngudzu, litigo la ndzadzini. Nungungulu kha khali dzitshoni gu ranwa pwani Nungungulu wawe, kholu khuye a va dongisedego lidhoropa.

Vahebheru 11:26

A di wona nari tshukwana gu nyenywa khu kotani ya Kristo guvbindra gu fuma dzithomba dzatshavbo dza Egipito. Maho yaye ma di khedza tshatshazelo wu nga gutago.

Vahebheru 13:13

Khu guralo, hongoleni nethu vbafuvbi ga Jesu Kristo, vbavbandze nya libhiyo hi ya saniseka ni gu poyidwa gumogo ni uye.

Jakobe 4:4

Vathu nyamba khodwa! Ina kha mu dziti nya gukhenu wa gu khala pari nya mafu, wa gu dzigira nala wa Nungungulu, gani? Oyu a vbwetago gu khala pari nya litigo, a gu khala nala wa Nungungulu.

1 Johane 2:23

Kholu oyu a ganedzago Mwamana, uyoyo ganedzide ni Babe; oyu a hakhago Mwamana, a na ni Babe gambe.

1 Johane 2:28

Khidzo, vanavangu! Pharisani guhengela naye, gasi hi tiye longo gikhati a na dzi wonegisago. Kharato, kha hi na nga khala dzitshoni, hi sihala, litshigu a na wuyago.

Gutuledwa 14:10

uye a na sela gambe vbinyu nyamba futungedzwa nya likhulo la Nungungulu, li guhudwago ni tshivba yaye yatshavbo gikombeni nya gulamule. Gambe a na dayiswa khu nilo ni sufula mbeli nya dzingilozi nya gukatege ni Nvutana.