Marko 8:35 - Bhibhiliya Nya Guage

³⁵ Kholu, oyu a dwanelago gu vbanyisa womi waye a na wu luza; gasi oyu a luzago womi waye khu kotani yangu ni Ivhangeli, a na wu vbanyisa.

Marko 8:35 Iomraidhean Croise

Muhevbudzi 3:6

gikhati nya gu si mane, ni gikhati nya guhamuge; gikhati nya guvege, ni gikhati nya gudzudzuge;

Matewu 10:22

Gasi enu mu na zondrwa khu vatshavbo khu kotani nya lina langu. Aholu uye a na tsaramago kala mahegiso a na vbanyiswa.

Matewu 10:39

Uye a zamago gu vegedza womi waye, a na dzimeledwa khuwo, ni wule a na gu dzimedzago womi waye khu kotani yangu, a na wu mana.

Matewu 16:25

Uye a vbwetago gu vbanyisa womi waye, a na wu luza; gasi uye a luzago womi waye khu kotani yangu, a na wu mana.

Matewu 19:29

Gasi watshavbo wule a nga digago ndranga, vandruye, nya vama ni vanyamayi, babe, mayi, mwangadzi, sanana ni sipeto khu kotani nya lina langu, a na si mana na si engedzedwe lizana dzinyondro, bwelo khavbo a mana guvbanya nya gupindruge.

Marko 8:36

Giphaso muni a na gi manago wule a fumelago litigo rumba a gu hegisa khu gu dzimeledwa khu hefemulo waye?

Luka 17:33

Uye a vbwetago gu vbanyisa womi waye a na wu luza; gasi uye a wu luzago a na wu vbanyisa.

Luka 9:24

Kholu uye a vbwetago gu vbanyisa womi waye, a na wu luza; gasi uye a luzago womi waye khu kotani yangu, a na wu vbanyisa.

Mithumo 20:24

Aholu kha nyi khathali khu womi wangu. Egi gi vbwetegago khu gu eni nyi vbohisa mahegiso liendro langu, nyifela gu vbedzisa ndrima nya thumo nyi pharisidwego khu Pfhumu yathu Jesu Kristo, nya gutivise Mahungu nya Yadi nya lihaladzo la Nungungulu.

Mithumo 21:13

Aholu uye a di hi hakha, khuye: “Khu ginani mu lilago kharato mu nyi thela wuvi? Eni nyi dzi dongisede, nasiri guya hungeledwa basi, ambari guya songwa Jerusalema khu kotani nya lina la Pfhumu Jesu.”

Mithumo 9:16

Aholu, eni nyi na mu nonedza tshanisa a na gu yi wonago khu kotani nya lina langu.”

1 Vakorinto 9:23

Nya gu gira satshavbo sesi khu kotani nya Ivhangeli khu gu dwanela gu hakha makategwa nya Ivhangeli.

2 Vakorinto 12:10

Khidzo kharato nyi nengelago khu gupwa guvbunguga nya tshivba yangu, khu gu vadwa, ni sigaradzo, ni gunyenywa, ni gusaniseka khu khota ya Kristo. Kholu gikhati nyi dzi pwago na nyi vbungugide tshivba, khavbo nyi gu ni tshivba.

2 Thimoti 1:8

Khu kharato, u nga khali dzitshoni gu fakaza Pfhumu yathu, gambe u nga khali dzitshoni khu eni nyi gu gibotshwa khu kotani yaye. Aholu saniseka gumogo ni eni khu kotani nya Ivhangeli nu gu tiyiswa khu tshivba ya Nungungulu.

Vahebheru 11:35

Vanyamayi va hakhide vafi vawe va nga wugago khu ga vafudego. Vambe va di saniswa kala gufa, va si dzumeli gu tshudwa, khu gutumba gukhavo va na wuga va bela guvbanyani nya gwadi.

Gutuledwa 12:11

Vandriyathu va mu pade khu tshivba nya novba wa Nvutana ni wufakazi wawe nya gutimisele; kholu kha va felela guvbanya gwawe, kala va gu dzumela gufa.

Gutuledwa 2:10

U nga khali hwanga khu gu wona gutshaniseka gu gu viredego. Ndrani nya matshigu yaya, Sathane a na khothela pasoni vambe ni vambe vbakari nya libandla lanu, gasi gu va lingwa. Mu na wona gutshaniseka nya gukhongolo gipimo nya likhumi matshigu. Tumba kala gufa, nyi na gu ambagisa gihugu nya womi nyamba bela.

Gutuledwa 7:14

Nyi di mu hakha, kheni: “Pfhumu yangu, uwe khuwe u dzitigo!” Khavbo avbo, a di nyi tshamusela, khuye: “Ava khu vale va tago khu musigaradzoni nya sikhongolo, vale va nga handzago dzingandzu dzawe va dzi agisela novbani nya Nvutana.