Marko 8:34 - Bhibhiliya Nya Guage

³⁴ Na ranide gidzemo gumogo ni vapizane vaye, a di va embela, khuye: “Oyu a vbwetago gu nyi landrela a na dzi dige wurumba waye, a gu rwala gihambano gyaye a nyi landre.

Marko 8:34 Iomraidhean Croise

1 Dzipfhumu 14:8

Eni nyi wandride mufumo nyumbani ga Dhavhidhe, gasi nyi wu ningela ga uwe, aholu uwe khwa gira kha nga githumi gyangu Dhavhidhe, a nga bani na gu yingisa milayo yangu, a landrisa dzindzila dzangu khu monyo waye watshavbo, a gira basi silo nya gululame mahoni gwangu,

Mitengo 14:24

Aholu, githumi gyangu Kalebi, nyi na mu vbohisa ga litigo lolo a hongodego aya li sola, li na khala laye ni la livelego laye, kholu a nga tedwago khu liphuvbo nya guhambane ni vambe, ni olu a landrisago khu lisine ndzila yangu,

Matewu 10:38

Uye a si rwaligo gihambano gyaye a nyi landra, kha nyi faneli.

Matewu 16:24

Jesu a di embela vapizane vaye, khuye: “Uye a vbwetago gu nyi landrela, a na dzi nyenye wurumba waye, a vbagare gihambano gyaye a nyi landrela.

Matewu 27:32

Avbo va nga bani va duga, va di tshangana ni mwama moyo wa Sirene, nya gupwani khu Simoni. Va di mu gurumedza gu rwala gihambano gya Jesu.

Marko 10:21

Jesu, na mu khedzide, a di tsakiswa khuye a gu mu embela, khuye: “U nga gu keneledwa khu gimwegyo basi. Indra u ya rengisa satshavbo u gu naso, u ninga sisiwana, gasi u mane thomba ya Ndzadzini. Hwane nya iso delu uta nyi landrela.”

Marko 7:14

A di rana nyaluphye gidzemo, a gi embela, khuye: “Nyi yingiseni mwatshavbo gasi mu si mane gwadi esi nyi vbwetago gu mi embela!

Luka 13:24

Uye a di va hakha, khuye: “Zamani gu bela khu mwanya yoyu nya wudugwana, kholu, nyi ngu mi embelani gukheni nya vangi va na zama gu bela khavbo, aholu kha va na dzi kodza.

Luka 14:33

Kharati, ni wevbini, a guromo vbakari gwanu, a si digigo iso a gu naso, kha dzi kodzi gu khala mupizane wangu.

Luka 18:22

Na pwide esi, Jesu a di mu embela, khuye: “Gimwegyo basi gi nga tshadego. Rengisa satshavbo u gu naso, u kabanisela dzitsapawu dzakone sisiwana, gasi u mane thomba ya Ndzadzini. Nu giride isoso, delu uta nyi landrela.”

Luka 20:45

Khavbo avbo, a di embela vapizane vaye, na gu pwidwa khu vathu vatshavbo, khuye:

Luka 9:23

Khavbo avbo, a di embela vatshavbo, khuye: “Uye a vbwetago gu nyi landrela, a na dzi nyenye uye wurumba waye, a vbagara gihambano gyaye a nyi landre.

Johane 10:27

Dzinvuta dzangu dzi ngu yingisa lito langu; eni nyi ngu dziti; a nidzo dzi ngu nyi landra.

Johane 19:17

A di duga na va mu rwegide gihambano magatani, a hongola vbawulangatunu wu ranwago khu Gihebheru, pwani: “Goligota,” gutshamusago, pwani “Girwarwatunu.”

Mithumo 14:22

Va di tiyisela myonyo nya vapizane, va gu va khongotela gu tiya gukhodwani gwawe, kholu, va di gu ganela, khavo: “Gu vbwetega guvbindra khu sigaradzoni nya singi gasi gu bela Mufumoni wa Nungungulu.”

Varoma 6:6

Hi ngu dziti gwadi gukhethu muthu wathu wa gale fude gumogo ni Kristo vbagihambanotunu, gasi gu pfhungumudwa guvivba gwatshavbo hi nga bani hiri nago, hifela gu tshulega wugumbini nya gighoho.

Varoma 8:17

Ha gu bani hiri sanana, gu yeyedza gu pwani hi vahodzi gambe nya thomba; hi vahodzi nya thomba ya Nungungulu gumogo ni Kristo. Ha gu tshaniseka naye, hi na hengela gambe naye wudhumoni gwaye.

1 Vakorinto 15:31

Vandruye, khu gutsaka nyi gu nago mbeli ga Pfhumu yathu Kristo Jesu khu kotani yanu, nyi ngu mi embela gukheni matshigu yatshavbo nya gu wona gufa mbeli gwangu.

1 Vakorinto 8:13

Khavbo avbo, nya gu wona gukheni guhodza nyama nya miphaso gikhunguvanyiso ga ndriyangu, nyi na diga nyi si hodzi gambe, gasi gumba mu khunguvanyisa.

1 Vakorinto 9:19

Ambari nyi tshulegidego khu maphuvbo yatshavbo, nyi dzumede gu dzi gira khumbi ya vatshavbo nyifela gu mana nya vangi.

Vagalatiya 2:20

Khu kharato, olu khandri eni gambe nyi vbanyago, khu Kristo a vbanyago avbo gwangu. Olu, khu guvbanya nyi gu nago milini gwangu, nya gu vbanya khu gukhodwa ga Mwamana wa Nungungulu a nyi haladzidego kala gu ningela guvbanya gwaye khu kota yangu.

Vagalatiya 5:24

Ava va gu va Kristo Jesu va khokhothede vbagihambanotunu tumbunugo nya wuthu wawe ni gudogorela gwawe gwatshavbo.

Vagalatiya 6:14

Gasi eni, kha nyi vbweti gu dzi zundza khu gimbe gilo; wangu wuzundzo nya gu wu mana basi vbagihambanotunu gya Pfhumu yathu Jesu Kristo. Khu kotani nya gihambano, litigo li fude ga eni, kha nga aneni nyi fudego ga litigo.

Vafilipi 3:10

Egi nyi gi vbwetago basi khu guti Kristo, nyipwa tshivba nya guwuge gwaye, nyi hengela naye gusanisekani, kala nyi gufa kha nga uye,

Vafilipi 3:7

Aholu, satshavbo nyi nga bani nyi si wona kha nga silo nya giphaso gwangu, nyi si digide khu kotani ya Kristo.

Vakolosi 1:24

Olu nyi ngu nengela khu gusaniseka gwangu, nyi sanisekago khu kotani gwanu; nya gu tadzisa milini gwangu, avba gu nga bani gu tshade gusanisekani ga Kristo khu kotani nya Libandla a gu givili gyaye.

Vakolosi 3:5

Songani myonyoni gwanu gunavela gwatshavbo nya wuthu wa mafuni: Wubhayi, horo, wuphuphulu, mahingigedzo nya guvivbe ni ligungo a gu idzosaye ni gu khozela vanungungulu nya malipha.

2 Vatesalonika 3:11

Kholu hi pwide nya gupwani, vbakari gwanu, vomo va vbanyago nyamba thuma gilo, wulangani nya guthume va gu luza gikhati khu gu belela siloni si si va lumbigo.

Tito 2:12

Wuhigo wowo wa gu hi hevbudza gu diga mavbanyelo nyamba khodwa, ni gu navela silo nya mafu yaya, gasi hi vbanye tigoni momu khu gu dzi phara, ni gululama, ni gutumbega ga Nungungulu.

Vahebheru 13:13

Khu guralo, hongoleni nethu vbafuvbi ga Jesu Kristo, vbavbandze nya libhiyo hi ya saniseka ni gu poyidwa gumogo ni uye.

1 Pedro 4:1

Kha nga ulo Kristo a nga saniseka givilini gwaye khu kotani gwathu, enu nenu gu vbwetega mu saniseka kha nga edzi a nga saniseka khidzo uye. Kholu, oyu a sanisekago givilini kha dzi digi a fumedwa khu gighoho.

1 Pedro 4:13

Aholu, nengelani khu gu hengela gusaniseka ni Kristo gasi mu tale khu gutsaka gikhati wudhumo waye wu na wonegiswago.

2 Pedro 1:14

Kholu, nyi ngu dziti gukheni kha nyi na hwela gu diga givili gegi nya gufe, kha nga Pfhumu yathu Jesu Kristo a nyi embedego.

1 Johane 3:16

Kharato, khavbo hi dzitigo gukhethu ginani lihaladzo: Kristo ningede guvbanya gwaye khu kotani gwathu. Khu guralo, ethu nethu hi ngu yela gu ningela guvbanya gwathu khu kotani ya vandriyathu.

Gutuledwa 2:10

U nga khali hwanga khu gu wona gutshaniseka gu gu viredego. Ndrani nya matshigu yaya, Sathane a na khothela pasoni vambe ni vambe vbakari nya libandla lanu, gasi gu va lingwa. Mu na wona gutshaniseka nya gukhongolo gipimo nya likhumi matshigu. Tumba kala gufa, nyi na gu ambagisa gihugu nya womi nyamba bela.