Marko 8:33 - Bhibhiliya Nya Guage

³³ Aholu, Jesu a di thendregedza a khedza vapizane, a gu kawuka Pedro, khuye: “Leya mbeli gwangu, Sathane, kholu khu theli kota khu silo sa Nungungulu, wa gu thela kota khu silo sa vathu basi.”

Marko 8:33 Iomraidhean Croise

2 Samuweli 19:22

Aholu Dhavhidhe a di hakha, khuye: “Gasi mahungu muni nyi gu nawo nanu enu madzahanu ya Zeruwa, na? Ina muhuno litshigu nya gufe muthu wa na Israyeli, gani? Ina eni kha nyi dziti gukheni muhuno nyi emisedwe gu khala mufumeli wa Israyeli, gani?”

Joba 2:10

Joba a di mu hakha, khuye: “Wa gu ganela kha nga nyamayi nya gipumbu. Ina hi yede gu hakha basi iso nya sadi khiyo ga Nungungulu, nyamba hakha iso nya guvivbe, gani?” Khu satshavbo soso, Joba gima kha dzi nyenyezisa khu gu ganela khu likana laye.

Dzindzimo 141:5

Nya gu tsayiswa khu muthu nya gululame, nya gu wona nari gwadi ga eni, a gu nyi kawuka, gu na gira nga mafura nya gunungele gwadi, nyi thedwago hungoni gwangu. Aholu gima kha nya dzumela gu zundzwa khavo va girago guvivba, kholu kha nyi garali khu gu lombelela nyi dwana ni mithumo yawe nya guvivbe.

Levhi 19:17

U nga vengeli muthu kwanu monyoni gwago. Aholu u nga digi gu kawuka muthu wa na gyanu, gasi u si ghohi khu kotani yaye.

Matewu 15:23

Aholu uye kha mu hakha gilo. Vapizane va di ya ga Jesu, vaya mu lomba, na va mu khongotela, khavo: “Mu embele, a hongole, kholu a ngu hi gulumela.”

Matewu 16:23

Gasi uye, a di thendregedza, a embela Pedro, khuye: “Leya, Sathane! U womo kha nga mutshunganisi wangu, kholu mapimo yago kha mati khu ga Nungungulu; aholu, khu ga vathu!”

Matewu 4:10

Khavbo avbo, Jesu a di mu hakha, khuye: “Suka, Sathane, kholu gu lovidwe, gupwani: U na khozela Pfhumu Nungungulu wago; khuye basi u na gu mu thumelago.”

Marko 3:34

Na khusedzide maho a khedza vatshavbo va nga bani va khade va mu randrela, a di khuye: “Mayi wangu ni vandriyangu khavo ava.

Marko 3:5

Jesu a di khedza vatshavbo va nga bani va mu randrede na gu garadzega khu gu wona guvivba nya myonyo yawe, a di embela mudwali, khuye: “Thawuludza libogo lago.” Uye a di li thawuludza, li hawuluga.

Luka 22:61

Pfhumu, na yi thendregedzide yi mu khedza mahoni, Pedro a di dundruga magana ya Pfhumu, gikhati yi nga mu embelago, khiyo: “Wu si gu embi khonge, u na nyi danga guraru.”

Luka 4:8

Jesu a di mu hakha, khuye: “Duga, Sathane, gu lovidwe, pwani: ‘U na khozela Pfhumu Nungungulu wago. Khuye basi u na gu mu phaselago.’ ”

Luka 9:55

Aholu Jesu a di va kawuka, khuye: Liphuvbo mu gu nalo kha mu liti.

1 Vakorinto 5:5

hi ningele mwama yoyo ga Sathane, gifela gu pfhungumudwa givili gyaye, mwendro saye wu na vbanyiswa hefemulo waye, litshigu Pfhumu a natago.

Vafilipi 3:19

Mahegiso yawe khu gumbemba, kholu Nungungulu wawe khu girumbu. Va gu dzi zundza khu esi va nga yela gu thedwa khiso ndzitshoni, mapimo yawe ma gu alakanya basi sa mafuni momu.

1 Thimoti 5:20

Avo va ghohago va kawuke mwandrani, gasi vale vambe va fela gu khala hwanga.

Tito 1:13

Iso a ganedego lisine. Khu guralo, gu vbwetega u va kawuke khu tshivba gasi va fela gu tiya gukhodwani nya lisine;

1 Pedro 4:1

Kha nga ulo Kristo a nga saniseka givilini gwaye khu kotani gwathu, enu nenu gu vbwetega mu saniseka kha nga edzi a nga saniseka khidzo uye. Kholu, oyu a sanisekago givilini kha dzi digi a fumedwa khu gighoho.

1 Johane 2:15

Mu nga goli litigo, ambari esi si guromo tigoni. Muthu a gu gola litigo, lihaladzo la Babe li mwalo avbo gwaye.

Gutuledwa 3:19

Eni, nya gu kawuka ni gu laya avo nyi va golago. Khu kharato, dzi garadze, u vbindrugedza mavbanyelo u wuye ga Nungungulu.