Marko 8:28 - Bhibhiliya Nya Guage

²⁸ Va di mu hakha, khavo: “Vomo va gukhavo khuwe Johane Mubhapatisi; vambe vari khavo khuwe Eliya; gasi vambe vari khavo u moyo nya vaprofeti.”

Marko 8:28 Iomraidhean Croise

Matewu 14:2

Uye a di embela sithumi saye, khuye: “Muthu yoyo khu Johane mubhapatisi a nga wugago khu ga vafudego! Khu kharato a manago tshivba nya gugire khiyo siliwugiso satshavbo sesi!”

Matewu 16:14

Va di hakha, khavo: “Vomo va gukhavo khu Johane Mubhapatisi; vambe vari khavo khu Eliya; vambe khavo khu Jeremiya mwendro moyo nya vaprofeti.”

Johane 1:21

Va di mu wudzisa nyaluphye, khavo: “Gasi khuwe mani? Khuwe Eliya, gani?” A di va hakha, khuye: “Khandreni.” Va di mu wudzisa gambe, khavo: “Khuwe muprofeti?” A di va hakha, khuye: “Ahihi.”