Marko 8:11 - Bhibhiliya Nya Guage

¹¹ Khavbo avbo, va di vboha Vafarisi va ta ganedzisana naye, na va gu vbweta gu mu linga. Va mu lomba gukhavo a gire giliwugiso nya gukari gya Ndzadzini.

Marko 8:11 Iomraidhean Croise

Ekisodha 17:2

Vathu va di wugela Mosi, khavo: “Hi ninge mati hi sele.” Mosi a di va hakha, khuye: “Khu ginani mu wugelago eni? Khu ginani mu lingago Pfhumu Nungungulu?”

Ekisodha 17:7

Mosi a di rana wulanga wule khuye Masaha ni Meribha, khu kotani nya gu ganedze ga sanana sa Israyeli, ni olu va nga lingago Pfhumu Nungungulu, khavo: “Ina Pfhumu Nungungulu womo mwendro mwalo vbakari gwathu?”

Malakiya 3:15

Olu hi na khethu va kategide va nya matshandza, kholu ambari va gu gira guvivba, silo sawe sa gu va dugela gwadi; va gu linga Nungungulu, va gu khala nyamba hakha tsayiso.”

Matewu 12:38

Khavbo avbo, va di duga Vafarisi ni vahevbudzi nya Nayo va nga mu lombago, khavo: “Muhevbudzi, ha gu vbweta gukhethu u hi girele giwoniso gimwegyo, gasi hi gi wone.”

Matewu 19:3

Va dita avbo gwaye Vafarisi va ngata mu wudzisa, gasi gu mu linga, khavo: “Ina gu ngu kodzega gu mwama a hula mwangadzi waye khu gigaradzo nya gukari, gani?”

Matewu 21:23

Avbo Jesu a nga vboha Nyumbani ga Nungungulu, nari vbakari nya guhevbudze a dita randredwa khu vakhongolo nya vaphasi nya mhamba ni madhota vaya, khavo: “Wa gu yi mana hayi tshivba nya gugire esi? Khu mani a nga gu ninga tshivba yoyo?”

Matewu 22:15

Khavbo avbo, Vafarisi va di gira gikungo, gasi gu hevbula mano nya gu mu ganedzise, na va gu lindrela gukhavo a na hoheta likana limwedo, va kodza gu mu mola.

Matewu 22:18

Jesu, na gu guti guvivba nya mahingigedzo yawe, a di va hakha, khuye: “Vapfhadzi! Mwa gu nyi lingela ginani?

Matewu 22:23

Litshigu lolo la limwedo, vasadhusi, a gu tsawa nya vale va gukhavo gu mwalo guwuga ga va nya gufa, va di hidzimela gwaye vaya mu wudzisa, khavo:

Marko 12:15

Aholu Jesu, na wutide wuhephi wawe, a di va hakha, khuye: “Mwa gu nyi lingela ginani? Nga nyi yeyedzani tsapawu yakone nyi yi wona.”

Marko 2:16

Valovi, nya tsawa wa Vafarisi, na va mu wone na gu hodza ni sighohi ni vahengisi nya khupho, va di wudzisa ga vapizane vaye, khavo: “Khu ginani uye a hodzago gumogo ni vahengisi nya khupho ni sighohi?”

Marko 9:16

Khavbo avbo, a di va wudzisa, khuye: “Ginani mu ganedzisanago khigyo navo?”

Luka 10:25

Khavbo avbo, a di khuga muhevbudzi moyo nya Nayo a mu wudzisa, na gufela gu mu linga, khuye: “Muhevbudzi, ginani nyi fanelago gu gira gasi gu mana guvbanya nya gupindruge?”

Luka 11:16

Gasi vambe, na va vbweta gu mu linga, va di mu lomba giyeyedzo gya Ndzadzini.

Johane 4:48

Jesu a di mu embela, khuye: “Mwamba wonani siyeyedzo ni siliwugiso kha mu khodwi!”

Johane 6:30

Va di engedza, khavo: “Siyeyedzo muni u girago, gasi, hi si wone, hi khodwe gwago? Mithumo muni u yi girago uwe?

Johane 7:48

Ina, mu di nga wona moyo nya madhota mwendro Vafarisi va khodwa gwaye, gani?

Johane 8:6

Va di ganela esi gasi gu mu riya, va fela gu mana gilo nya gu mu kone khigyo. Aholu Jesu a di noga, a gu lova vbavbatshi khu nyala.

Mithumo 5:9

Pedro a di engedza a ganela, khuye: “Khu ginani mu nga pwananago mufela gu pfhadza Liphuvbo la Pfhumu? Yingisa, mwanyatunu, sikingo sa vale va wuyago khiyo va ngaya dzinga mwama wago. Va na gu rwala nuwe.”

1 Vakorinto 10:9

Hi nga lingi Pfhumu kha nga edzi va nga girago vambe, va ngafa khu guhodzwa khu dzinyoga.

Dhewuteronome 6:16

U nga lingi Pfhumu Nungungulu wago, kha nga idzo u nga mu lingago khidzo Masaha.