Marko 7:9 - Bhibhiliya Nya Guage

⁹ A di engedza gambe, khuye: “Mu ngu kodza gwadi gu tshiphisa milayo ya Nungungulu, gasi mufela gu landrisa tumbunugo wanu.

Marko 7:9 Iomraidhean Croise

Dzindzimo 119:126

Pfhumu Nungungulu, olu gikhati gyago nya guphodze, kholu avo va hambanide ni nayo wago.

Isaya 24:5

Kholu mafu ma nyenyezide khu kotani ya vavbanyi vaye, kholu va yeyiside milayo ni gu hambanisa sileletelo, va kavila gidzumeledzwano nya gupindruge.

Isaya 29:13

Kholu Pfhumu ganede, khuye: Kha nga olu vathu vava va hidzimelago avbo gwangu khu magana ma dugago khu kanani gwawe, va gu nyi dhumisa khu magana basi, aholu myonyo yawe yomo hwindzo ngudzu ni Eni, kholu githawo gyawe ni Eni gya gu manega basi khu milayo va mi hevbudego ni vathu.

Dhaniyeli 11:36

Mufumeli a na gira gukhedza khu iso a na si golago, a na dzi khusedza ni gu dzi dandrisa mbeli ga vambe vanungungulu; gumogo ni ga Nungungulu nya vanungungulu, a na ganela sihonohono nya guthise. A na andra, kala gu tadzisega likhulo, kholu sile si hungidwego, si na tadzisega.

Dhaniyeli 7:25

Mufumo wowu, wu nata ganela malito nya guwugele oyu a Khusegidego ngudzu, wu tshanisa sihathwa saye, wu na zama gu vbindrugedza milayo ni matshigu; sihathwa saye si na ningedwa mandzani gwaye khu gikhati nya guningane myaga miraru ni gipandre.

Marko 7:13

Khu kharato, mu ngu tshipisa Nayo wa Nungungulu khu kotani nya mikhuwo ya vababe vanu mu yi hevbudzago. Mu ngu girani gambe simbe silo nya singi nya gufanane ni esi.”

Marko 7:3

Kholu vafarisi ni Vajudha vatshavbo, khu nayo wawe, kha va hodzi nyamba phela khu gu hamba mandza, khu gulandra giolovedzo nya mikhuwo ya vagale.

Marko 7:5

Vafarisi ni vahevbudzi nya Nayo va di mu wudzisa, khavo: “Khu ginani vapizane vago va si landrisigo tumbunugo wa vagale, olu va hodzago nyamba hamba mandza?”

Varoma 3:31

Khavbo avbo, ina sa gu wonega gupwani hi ngu tshipisa Nayo khu gukhodwa, gani? Ahihi. Aholu ha gu tiyisa Nayo.

2 Vakorinto 11:4

Kholu mu nga tshuka mu dzumela mumbe muthu a guta ganela khu Jesu, nya guhambane ni oyu nyi nga mi embelani, ambari gu hakhani liphuvbo nya guhambane ni eli mu li hakhidego, mwendro mahungu nya yadi nya guhambane ni aya mu ma dzumedego.

Vagalatiya 1:14

Nyi di pala vangi nya tanga yangu va tigoni gwathu khu gu vegisa Nayo wa Vajudha, gambe nyi di gu khathalela ngudzu gu landrisa tumbunugo nya mavbanyelo ya vababe.

Vagalatiya 2:21

Kha nyi vbweti gu nyenya wuhigo wa Nungungulu. Kholu ha gukhethu ha gu mana gulamudwa khu gu landrisa Nayo, gu yeyedza gu pwani gufa gwa Kristo kha gu phasi gilo.

2 Vatesalonika 2:4

Uye a wugelago satshavbo, a dzi gira khongolo nya silo satshavbo si ranwago khu vathu khavo vanungungulu. A na dzega ni Nyumba ya Nungungulu, a dzi gira uye nungungulu.