Marko 7:5 - Bhibhiliya Nya Guage

⁵ Vafarisi ni vahevbudzi nya Nayo va di mu wudzisa, khavo: “Khu ginani vapizane vago va si landrisigo tumbunugo wa vagale, olu va hodzago nyamba hamba mandza?”

Marko 7:5 Iomraidhean Croise

Matewu 15:2

“Khu ginani vapizane vago va si landrisigo tumbunugo wa gale, olu va hodzago nyamba hamba mandza?”

Marko 7:13

Khu kharato, mu ngu tshipisa Nayo wa Nungungulu khu kotani nya mikhuwo ya vababe vanu mu yi hevbudzago. Mu ngu girani gambe simbe silo nya singi nya gufanane ni esi.”

Marko 7:8

Mwa gu diga milayo ya Nungungulu mu gu landrisa tumbunugo nya vathu.”

Marko 7:9

A di engedza gambe, khuye: “Mu ngu kodza gwadi gu tshiphisa milayo ya Nungungulu, gasi mufela gu landrisa tumbunugo wanu.

Mithumo 21:21

Va tivisidwe gupwani uwe wa gu hevbudza Vajudha va vbanyago vbavbandze gumba thela kota khu Nayo ni gumba hanisa wugwera sanana, ni gumba landrisa siolovedzo nya mavbanyelo ya Vajudha.

Mithumo 21:24

Indra navo, u ya dzi agisa nuwe, u va livbela dzitsapawu nya guvidwe hungo. Kharato, vatshavbo va na dziti gukhavo khandri lisine esi si ganedwago khu mahungu yago, kholu va na wona nya gukhavo uwe u nga gu landrisa Nayo wa Mosi.

Varoma 4:12

Uye gambe khuye babe wa vale va hanago wugwera, vale va si hegeligo basi gu hana wugwera, aholu va landrago gambe gihevbudzo nya gukhodwe gwa Abrahama na si gu hani wugwera.

Vagalatiya 1:14

Nyi di pala vangi nya tanga yangu va tigoni gwathu khu gu vegisa Nayo wa Vajudha, gambe nyi di gu khathalela ngudzu gu landrisa tumbunugo nya mavbanyelo ya vababe.

2 Vatesalonika 3:11

Kholu hi pwide nya gupwani, vbakari gwanu, vomo va vbanyago nyamba thuma gilo, wulangani nya guthume va gu luza gikhati khu gu belela siloni si si va lumbigo.

2 Vatesalonika 3:6

Vandruye, khu lina la Pfhumu yathu Jesu Kristo, hi ngu mi embelani khethu hambanani ni vandruye vale va vbanyago nyamba thuma gilo, va si landrigo nayo nya tumbunugo mu wu hakhidego ga ethu.