Marko 7:37 - Bhibhiliya Nya Guage

³⁷ Vatshavbo va di liwuga ngudzu va gu ganela, khavo: “Satshavbo a ngu gira gwadi: A ngu tula dzindzeve sivbwiri, ni gu tulela gu ganela sidudu.”

Marko 7:37 Iomraidhean Croise

Genesi 1:31

Nungungulu a di wona gukhuye sigiro Saye satshavbo si diri sadi ngudzu. Li di pfola, li gugya: Litshigu nya livbandre na limwedo.

Dzindzimo 139:14

Nyi ngu gu bonga kholu u nyi wumbide khu mawumbelo nya gusamadzise, mithumo yago yi ngu liwugisa, hefemulo wangu wu ngu dziti gwadi.

Isaya 29:18

Khu litshigu lolo, sivbwiri si napwa mahungu nya libhuku, ni maho nya sikhumu ma guromo gusivbalani nya gidema, ma na wona.

Matewu 9:32

Na va ngari gu duga, va di mu yisela gidudu, gi nga bani giri ni liphuvbo nya guvivbe.

Marko 1:27

Vatshavbo va di liwuga va gu wudzisana, khavo: “Nari ginani egi? Mu ngu wonani gihevbudzo giphya nya gutale khu tshivba! A dzi kodzago gu kawuka maphuvbo nya guvivbe ma gu mu yingisa.”

Marko 2:12

Khavbo avbo, gilima gi di dzegela gu khuga gi ema gi dzega lithatho laye mahoni nya gidzemo gyatshavbo. Na va wonide esi, vatshavbo va di liwuga ngudzu, gumogo ni gu dhumisa Nungungulu, khavo: “Gima hi si gu woni nya nga esi.”

Marko 4:41

Avo va di ndrendremela ngudzu va gu wudzisana khu gyawe, khavo: “Gasi khu mani oyu nya gu ambari phuvbo ni mavimbi si mu yingela?”

Marko 5:42

Nyamahegyane a di dzegela gu khuga a gimbila kholu a diri ni likhumi na mivili myaga. Gidzemo gyatshavbo gi di liwuga ngudzu.

Marko 6:51

Na bede ngalavani, gasi guya khala navo; phuvbo yi di degula. Avo va di liwuga ngudzu,

Marko 7:36

Khu gu vbiredza Jesu a di va laya gumba embela muthu, aholu avo va di simama gu laledza ndruma yaye.

Marko 8:1

Khu matshigu yale, a di randredwa gambe khu gidzemo nya gingi na guri mwalo gilo nya guhodze, Jesu a di rana vapizane vaye a va embela, khuye:

Luka 23:41

Nari nya nga ethu, ha gu tshanisekela gilo nya gu giti kholu ha gu hakha tsayiso nya mithumo yathu. Gasi uye gi mwalo gighoho a giridego.”

Mithumo 14:11

Na va wonide esi si nga girwago khu Pawulo, gidzemo gi di gira ligwaha gi gu ganela khu lidimi la Likawoniya, khigyo: “Vanungungulu va tshigidego gwathu khu giyemo nya wuthu”