Marko 7:3 - Bhibhiliya Nya Guage

³ Kholu vafarisi ni Vajudha vatshavbo, khu nayo wawe, kha va hodzi nyamba phela khu gu hamba mandza, khu gulandra giolovedzo nya mikhuwo ya vagale.

Marko 7:3 Iomraidhean Croise

Marko 7:13

Khu kharato, mu ngu tshipisa Nayo wa Nungungulu khu kotani nya mikhuwo ya vababe vanu mu yi hevbudzago. Mu ngu girani gambe simbe silo nya singi nya gufanane ni esi.”

Marko 7:5

Vafarisi ni vahevbudzi nya Nayo va di mu wudzisa, khavo: “Khu ginani vapizane vago va si landrisigo tumbunugo wa vagale, olu va hodzago nyamba hamba mandza?”

Luka 11:38

Mufarisi a di liwuga khu gu mu wona gu khala vbamezatunu nyamba phela khu gu hamba mandza.

Johane 2:6

Gu diromo avbo livbandre na moyo misungwa nya siwindri, va nga bani va gu hamba umo mandza Vajudha; moyo ni moyo a diri ni gipandre nya mipimo mivili mwendro miraru.

Vagalatiya 1:14

Nyi di pala vangi nya tanga yangu va tigoni gwathu khu gu vegisa Nayo wa Vajudha, gambe nyi di gu khathalela ngudzu gu landrisa tumbunugo nya mavbanyelo ya vababe.

Vakolosi 2:8

Dzi woneleni, mu nga dzi digi mu gu sengwa khu vale va vbwetago gu mi ndrindra khu sihevbulo nya wugengeli nya mahala, nya gutiyiswe khu mikhuwo nya vathu, ni guti ga mafuni momu, aholu nyamba tiyiswa khu guti gwa Kristo.

1 Pedro 1:18

Kholu enu mu ngu wutini gwadi tengo wu livbidwego gasi gu mi tshula guvbanyani nya gumba phasa gilo, mu gu hakhidego ga vababe vanu. Tengo yoyo khandri gilo gi kuwulugago nga ndralama mwendro parata.