Marko 7:22 - Bhibhiliya Nya Guage

²² gumba khodwa, lidiwo, milembo, matshandza ni wupumbu.

Marko 7:22 Iomraidhean Croise

2 Dzikoronika 32:31

Aholu avbo vafumeli va Bhabhiloni, va nga mu rumela myango guta mu wudzisa khu sisamadziso si dugelelago tigoni ga Israyeli, Nungungulu a di mu diga gasi gu mu linga ni guti iso a si pimisago monyoni gwaye.

Dzindzimo 10:4

Muthu nya guvivbedwe khu monyo, khu kotani nya matshandza yaye; kha khathali khu gu vbweta Nungungulu, uye a gu pimisa, a ganela, khuye: “Mwalo Nungungulu!”

Dzindzimo 119:36

Gira monyo wangu wu gola ngudzu milayo yago gasi nyi si beli manaveloni.

Mavingu 12:23

Muthu nya mapimo a gu siha guti gwaye, aholu gipumbu gya gu laledza wupumbu wagyo.

Mavingu 22:15

Wupumbu wu namarede monyoni ga gyanana, aholu lipitso nya gulaye, li ngu kodza gu wu tsapurula li wu yisa hwindzo.

Mavingu 23:6

U nga hodzi guhodza ga muthu nya ligungo, ambari gu dogorela manonwa yaye;

Mavingu 24:9

Maalakanyo nya gipumbu, khu gu gira gighoho, muthu nya matshoho nyenyezide ga vatshavbo.

Mavingu 27:22

Gipumbu ambari gya hindzwa kununi nga mavbila, gima kha gi hambani ni wupumbu waye.

Mavingu 28:22

Muthu nya ligungo a gu tutumela gufuma, aholu kha dziti gukhuye a na khala gisiwana.

Muhevbudzi 7:25

Nyi di dzi ningela khu monyo wangu watshavbo gu vbweta wugengeli ni tshamuselo yaye, nyi di khedza ni gu linga gupwisisa, nyi wonide gukheni gu gira mithumo nya guvivbe, lihure ni wupumbu, kha si phasi gilo.

Isaya 59:13

Hi ndragide milayo ya Pfhumu Nungungulu ni gu ganela malipha, hi dzi duside ga Nungungulu wathu, hi thumisa gigaha ni wuwugeli, hi ganela malipha ma tadego myonyoni gwathu.

Isaya 59:7

Migondro yawe ya gu tutumela guvivbani yi gu vbiredza, gasi guya songa muthu nyambana nandru; maalakanyo yawe khya gu gira guvivba, umo va gimbilago, gu sasela ni gumbembisa basi.

Jeremiya 17:9

Gimwalo gi kanganyisago guvbindra monyo, madwali yaye kha ma thumwi. A na tidwa khu mani?

Matewu 20:15

Ina nyi mwalo fanelo nya gugire iso nyi sinago khu silo sangu, gani? Ina khandri wa gu khala lidiwo khu silo sangu, kholu eni nyi gu wadi, gani?’

Matewu 6:23

Aholu ma gu bani ma dwala, givili gyago gyatshavbo gi na khala mugidemani. Khu kharato, mwenge wu guromo milini gwago wa gu khala gidema, mili wago watshavbo wu na khala gidema nya guthise!

Marko 7:21

Kholu, khu monyoni nya muthu, khumo gu dugago mahingigedzo nya guvivbe, wubhayi, wuvafa, wughevenga, wuphuphulu,

Marko 7:23

Guvivba gogu gwatshavbo gwa gu duga khu ndrani, khugo gu nyenyezisago muthu.”

2 Vakorinto 10:5

hi na khungumule matshandza yatshavbo ma wugelago guti gwa Nungungulu, hi wuyisela mapimo yatshavbo nya wuthu, ma ta yingisa Kristo.

Dhewuteronome 15:9

Dzi wonele, gu nga manegi mapimo nya guvivbe monyoni gwago, ambari gu ganela, khuwe: Womo vbafuvbi mwaga nya livbandre na wuvili, a gu mwaga nya tsetselelo, maho yago ma manega na ma gu vala ndriyago nya gisiwana, u si mu ningi gilo. Uye a gu lila khu uwe ga Pfhumu Nungungulu, u na manega nuri ni gighoho.

Dhewuteronome 28:54

Mwama nya ndruda, nya monyo nya wadi ngudzu vbakari gwanu, a na khala ligungo, a khedza ndriyaye khu maho nyambasi yadi, a vengelela mwangadzi waye nya gu mu haladze gumogo ni sanana saye si na gu bani si nga tshade,

Dhewuteronome 28:56

Nyamayi nya ndruda ngudzu ni wukheta vbakari gwanu, a si vbwetigo ni gu gandra vbavbatshi khu ngodro waye khu kotani nya gu dzi tshandze gwaye, a na gira ligungo, a na khedzisa khu maho nyambasi yadi mwama waye nya gu mu haladze, sanana saye nya sikhwathana niso nya sagadzyana;

1 Pedro 2:15

Kholu Nungungulu a gu vbweta gukhuye enu mu gire esi nya sadi, gasi sipumbu ni mapemi va si mani gilo nya guganele khu enu.

1 Pedro 5:5

Enu madzaha, yingisani vakhongolo. Thumelanani mwatshavbo khu gu dzi nogisa, kholu “Nungungulu a ngu vengana ni va nya gu dzi khusedza, aholu a ngu khusedza va nya gu dzi nogisa.”