Marko 7:14 - Bhibhiliya Nya Guage

¹⁴ A di rana nyaluphye gidzemo, a gi embela, khuye: “Nyi yingiseni mwatshavbo gasi mu si mane gwadi esi nyi vbwetago gu mi embela!

Marko 7:14 Iomraidhean Croise

1 Dzipfhumu 18:21

Eliya a di hidzimela a ema mbeli ga vathu vatshavbo, khuye: “Kala lini mu na ndzodolago khu mipimiso mivili? Pfhumu a gu bani ari uye, mu landreleni; aholu, a gu bani nari Bhahali, landrelani uye.” Aholu, vathu kha va nga mu hakha.

1 Dzipfhumu 22:28

Aholu Mikeya di hakha, khuye: “Wa gu wuya khu gurula, gu yeyedza gupwani Pfhumu Nungungulu kha ganela khavbo gwangu. A engedza gambe, khuye: Mayigo yatshavbo guvbweta ma yingisa esi nyi ganelago!”

Dzindzimo 94:8

Enu sipumbu pimisani gwadi, anenu maphuphulu, lini mu na gengelago?

Mavingu 8:5

Enu nyambana mapimo gengelani; enu sipumbu hevbulani gupimisa.

Isaya 6:9

Khavbo avbo, Uye a di nyi embela, khuye: “Gimbila u ya embela vathu vovo, khuwe: Mu na pwa khu dzindzeve dzanu, aholu kha mu na si pima; mu na khedza khu maho yanu, aholu kha mu na wona gilo.”

Jeremiya 25:2

Avbo muprofeti Jeremiya a nga huwelela ga vathu vatshavbo va Judha ni vavbanyi vatshavbo va Jerusalema a va embela, khuye:

Matewu 15:10

Khavbo avbo, a di rana gidzemo, gasi gi hidzimele gwaye. A di gi embela, khuye: “Nyi yingiseni, gasi mu si pime gwadi.

Marko 7:13

Khu kharato, mu ngu tshipisa Nayo wa Nungungulu khu kotani nya mikhuwo ya vababe vanu mu yi hevbudzago. Mu ngu girani gambe simbe silo nya singi nya gufanane ni esi.”

Marko 7:15

Muthu kha nyenyeziswi khu silo sa vbavbandze si belago ndrani gwaye, aholu a gu nyenyeziswa khu esi si dugago khu ndrani gwaye.

Luka 12:1

Kha nga ulo ma nga bani ma romo mazana nya vathu va nga bani va gu gundrana khu gu tala, Jesu a di phela khu gu embela vapizane vaye, khuye: “Gwadigwadi ni mela nya Vafarisi, a gu malipha.

Mithumo 8:30

Na hidzimede, Filipi a dipwa Muetiyopi na gu hevbula libhuku la muprofeti Isaya, a di mu wudzisa, khuye: “Ina u ngu si mana esi u hevbulago, gani?”