Marko 6:37 - Bhibhiliya Nya Guage

³⁷ Aholu uye a di va hakha, khuye: “Va ningeni enu guhodza.” Vapizane va di khavo: “Ina wa gu pimisa nya gukhuwe khu mazana mavili nya dzitsapawu hi nga dzi kodza gu renga sibaba nya guenedze vathu, gani?”

Marko 6:37 Iomraidhean Croise

2 Dzipfhumu 7:2

Aholu ndruna mweyo ya mufumeli eyi a nga bani a gu khighela vbagyandzatunu gwaye, yi di phindrula muthu wa Nungungulu, khiyo: “Ambari Pfhumu Nungungulu a gu tula sihogo ndzadzini, ina silo soso si nga kodzega gu girega, gani?” Uye a di hakha, khuye: “Uwe u na si wona khu maho yago, aholu khu na nga si hodza.”

Mitengo 11:13

Nyi na yi mana hayi eni nyama nya guninge vathu vatshavbo vava? Kholu va ngu lila gwangu, va ganela, khavo: Hi ninge nyama hi hodze.

Matewu 14:16

Aholu Jesu a di va hakha, khuye: “Va nga hongoli; va ningeni kamwe enu guhodza.”

Matewu 18:28

Na dugide khu vbale, a di mana mungana waye a nga bani a mu fiyaride lizana dzitsapawu. A di mu dzwinya ngolo, a mu sokhovedza, na gukhuye: ‘Livba mangava yangu!’

Marko 6:36

va dige va hongole va vbindre khu mahangeni ni mitalalani vafela guya dzi rengela gilogyo nya guhodze.”

Marko 6:38

Uye a di va hakha, khuye: “Sibaba singani mu gu naso? Indrani mu ya wona.” Vapizane, na va sitide va di hakha, khavo: “Livbandre sibaba ni dzindzandzi dzimbili.”

Luka 7:41

Jesu, khuye: “A diromo muthu a nga bani a fiyariside dzitsapawu vathu vavili: Moyo wakone a diri ni mangava nya livbandre mazana (500) dzipondro; mumbe, lizana dzikinyeta.

Luka 9:13

Jesu a di va hakha, khuye: “Va ningeni kamwe enu guhodza!” Gasi avo va di khavo: “Avba livbandre sibaba ni dzindzandzi dzimbili basi hi gu nadzo. Ginani gyogyo ha gu pima khu vathu vava. Mwendro hi naya renga guhodza gu ninganago gu va hodzisa vatshavbo!”