Marko 6:34 - Bhibhiliya Nya Guage

³⁴ Gikhati Jesu a nga tshiga khu ngalavani, a di wona gidzemo nya gingi, a va pwela wuhindzi, kholu va di khala nga dzinvuta nyambana muhavisi. A di phela gu va hevbudza silo nya singi.

Marko 6:34 Iomraidhean Croise

1 Dzipfhumu 22:17

Khavbo avbo, uye a di ganela, khuye: Nya gu wona vatshavbo va na Israyeli va legalegago musigomoni, kha nga dzinvuta nyambana muhavisi, Pfhumu Nungungulu a di nyi embela, khuye: Vathu va gu mwalo waye. Muthu ni muthu a na bwelele gaya gwaye khu gurula.”

2 Dzikoronika 18:16

Khavbo avbo, uye a di hakha, khuye: “Nyi di wona vatshavbo va na Israyeli na va phalalegide musigomoni kha nga dzinvuta dzi gu mwalo muhavisi. Pfhumu Nungungulu a di ganela, khuye: Vathu vava va mwalo mune; muthu ni muthu a na bwelele aya ndrangani gwaye.”

Isaya 13:14

Moyo ni moyo a na thava kha nga yisya, a fanana ni tshambi wu gu mwalo muhavisi; muthu ni muthu, a na bwelela ga va na gyawe, vatshavbo va thavela tigoni gwawe.

Jeremiya 50:6

Vathu vangu va gu fanana ni dzinvuta dzi dzimedego; va ndreyisidwe khu vahavisi vawe, va dzimedzidwe sigomoni ni sigomwanani, va gu legalega basi, kha va nga gu guti ni phandroni gwawe.

Ezekiyeli 34:5

Khu guralo, olu dzi phalalegide, kholu dzi mwalo muhavisi, dzi khala guhodza nya sirengo satshavbo sa khabini.

Zakariya 10:2

Kholu sihuru nya mipaso ya ndrangani kha si ganeli gilo nya gupwale; va nya dzisolo va gu lola malipha; va nya miloro va gulora ni gutshamusela silo nyambaya khumo; va tangadzisa khu silo nyambana gighelo. Khu kharato, vathu va gu pengiswa kha nga tshambi nya dzinvuta, va tshaniseka khu gumbana muhavisi.

Mitengo 27:17

muthangeli a na thangago mbeli gwawe, gasi vathu vago va si gimbili kha nga tshambi nyambana muhavisi.”

Matewu 14:14

Na gu tshiga khu ngalavani, Jesu a di wona gidzemo nya gingi. A di pwa gisiro, a gu hawulugisa vadwali vawe.

Matewu 15:32

Jesu, na ranide vapizane vaye, a di va embela, khuye: “Nyi ngu pwa gisiro khu vathu vava, kholu va na ni matshigu mararu na nyiri navo, nyamba hodza gilo. Kha nyi vbweti gu va diga va hongola nyamba hodza gilo, va nga rereka ndzilani.”

Matewu 9:36

Na wonide gidzemo, a di gi pwela gisiro, kholu vatshavbo va di garade havo hokohoko, kha nga dzinvuta nyambana muhavisi.

Marko 6:33

Vathu nya vangi va di va wona na va gu hongola, va di guti avba vayago, khu kharato, va di duga khu mitalalani yatshavbo, va gimbila khu mawundru na va gu duga khu madhoropani gwatshavbo va khinga, va va hegudza gu vboha.

Marko 6:35

Na li hwide lidambo, vapizane va di hidzimela ga Jesu vaya, khavo: “Lidambo li hwide, narigu wulanga wowu giwula;

Marko 8:1

Khu matshigu yale, a di randredwa gambe khu gidzemo nya gingi na guri mwalo gilo nya guhodze, Jesu a di rana vapizane vaye a va embela, khuye:

Marko 8:2

“Nyi ngupwa gisiro khu vathu vava kholu va na ni matshigu mararu na nyiri navo, nyamba hodza gilo.

Luka 9:11

Gidzemo na gi tugude, gi di mu landra. Jesu a di gi hakha, a gu gi hevbudza mahungu nya Mufumo wa Nungungulu, gumogo ni gu hawulugisa vadwali.

Vahebheru 2:17

A di fanela gu khala idzosaye ni vandriyaye siloni satshavbo, gasi a khale Muphasi nya Khongolo nya mhamba, a gu na ni wuhindzi ni gutumbega thumoni nya gu va tshanganise ni Nungungulu, gasi gu tsetseledwa sighoho nya vathu.

Vahebheru 4:15

Muphasi wathu nya khongolo nya mhamba a ngu dzi kodza gu hi pwela wusiwana nya sighoho sathu, kholu, uye nuye lingidwe kha nga ethu, aholu, gima kha ghoha.