Marko 6:24 - Bhibhiliya Nya Guage

²⁴ Nyamahegyane a diya wudzisa mayi waye, khuye: “Ginani nyi na lombago?” Uye a di mu hakha, khuye: “Lomba hungo wa Johane Mubhapatisi.”

Marko 6:24 Iomraidhean Croise

2 Samuweli 13:5

Jonadhabhi a di mu embela, khuye: “Lala vbadawutunu gwago u gira gukhwatshi wa gu dwala; gasi babe wago a guta gukhuye a guta gu wusela, mu embele gukhuwe: Nya gu gu lomba gukheni u rumele ndriyangu Tamari a te ata nyi phulela na nyi gu mu wona bwelo khavbo a nyi ninga nyi hakha khu mandzani gwaye.”

Joba 31:31

avo va khalago tshatshani gwangu, va di ganela, khavo: “Khu mani a gumba khura khu nyama yaye!”

Dzindzimo 27:2

Gikhati sighevenga si nyi randrelago, gasi gu tsagudzela nyama yangu; Khavo valala vangu va nyi nyenyago, va tshunganelago va thega.

Dzindzimo 37:12

Muthu nya guvivbe a gu wugela oyu nya gululame, a mu khukhurusela magwaha khu likhulo,

Dzindzimo 37:14

Va nya guvivba va gu homola matshari, va ghwimba wulaho gasi gu songa vale va gimbilago khu ndzila nya gululame, ni gisiwana ni khulungu.

Matewu 14:8

Na phede gu khu laywa khu mayi waye, nyamahegyane wule a di mu embela, khuye: “Nyi ninge, mbiyani momu, hungo wa Johane mubhapatisi.”

Matewu 3:1

Khu matshigu yale, Johane mubhapatisi a di wonega giwulani gya Judheya na gu hevbudza, khuye:

Marko 6:23

A di sambanya gwaye, khuye: “Ni gevbi u na nyi lombago nyi na gu ninga, ambari nari gipandre nya mufumo wangu! Nyi na gu ninga.”

Marko 6:25

A di wuya, a ta bela khu gu vbiredza umo a nga bani a romo mufumeli Herodhi, aya, khuye: “Nya guvbweta gukheni u nyi ninge khu mbiyani, nugunugu olu, hungo wa Johane Mubhapatisi.”