Marko 5:7 - Bhibhiliya Nya Guage

⁷ a khusedza lito a ganela khu tshivba, khuye: “Ginani nyi nga gu ghohela, uwe Jesu, Mwamana wa Nungungulu a guromo Ndzadzini? Nyi ngu gu lomba khu lina la Nungungulu gukheni u nga nyi tshanisi!”

Marko 5:7 Iomraidhean Croise

Genesi 3:15

Nyi na vega livengo ga uwe ni nyamayi, ga gitugulwana gyago ni gitugulwana gyaye. Igyo gi na gu pfara hungo, uwe u na zama gu gi hodza gitshinandro.”

1 Dzipfhumu 22:16

Mufumeli a di mu embela, khuye: “Kala lini na nyi gu gu sambanyisa gukheni, u nga ganeli simbe silo vbavbandze nya lisine khu lina la Pfhumu Nungungulu, na?”

Hoseya 14:8

Enu va na Efrayimi: Kha nyi vbweti gambe gupwa gilo khu sifananiso sanu? Kheni kamwe nyi mu ningago phindrulo nyi bwelo khavbo nyi mu sayisa. Eni nya gu nyuga gu fanana ni simbo nya pinyu, mihandro yago, ya gu dugela avbo gwangu.

Matewu 16:16

Simoni Pedro a di khusa lito a gu phindrula, khuye: “Uwe khuwe Kristo, Mwamana wa Nungungulu a vbanyago.”

Matewu 26:63

Aholu Jesu a di hodza gikhukhu a degula. Khavbo avbo, Muphasi nya Khongolo a di mu embela, khuye: “Nyi ngu gu ruma khu lina la Nungungulu a vbanyago: Nga nyi embela: Ina kamwe uwe khuwe Kristo, Mwamana wa Nungungulu, gani?”

Matewu 4:3

Khavbo avbo, mulingi a di ta, khuye: “Wa gu bani uri Mwamana wa Nungungulu, ruma siwindri sesi si vbindrugedze si khala guhodza.”

Matewu 8:29

Avo va di gulumela, khavo: “Ginani hi nga gu ghohela, Mwamana wa Nungungulu? U tede guta hi tshanisela ginani, na gi si gu vbohi gikhati gyakone?”

Marko 1:24

“Ginani hi nga gu ghohelago, Jesu wa Nazareta, wa gu tela guta hi mbembisa? Nyi ngu guti khuwe mani: Khuwe Gihathwa gya Nungungulu.”

Marko 14:61

Aholu, uye a di degula nyamba mu hakha. Muphasi nya khongolo a di wudzisa gambe, khuye: “Ina khuwe Mesiya, Mwamana wa Nungungulu nya Gurungudzwe, gani?”

Marko 3:11

Maphuvbo nya guvivbe nayo, ma gu mu wona, ma di khidzima mbeli gwaye ma gu ganela, khayo: “Uwe khuwe Mwamana wa Nungungulu.”

Marko 5:6

Na wonide Jesu khu hwindzo a di mu khinga khu mazambo aya khidzima migondroni gwaye,

Marko 5:8

A di ganela kharato kholu Jesu a nga khuye: “Diga muthu yoyo uwe liphuvbo nya guvivbe!”

Luka 1:32

A na bani ari muthu khongolo, a na ranwa pwani Mwamana wa Nungungulu a guromo Vbatshani Ngudzu. Pfhumu Nungungulu a na mu pharisa ndronga nya wufumu wa babe waye Dhavhidhe.

Luka 4:34

“Ginani hi nga gu ghohela, Jesu wa Nazareta? Wa gu tela guta hi mbembisa, gani? Eni nyi ngu guti gwadi gukheni: Khuwe Gihathwa gya Nungungulu.”

Luka 6:35

Gasi enu, golani valala vanu, girani esi si gu sadi; lombisani, na mu si lindreli gu livbwa. Mwa gu gira kharato, tshatshazelo yanu yi na bani yiri yikhongolo. Gambe, mu na bani muri sanana sa Wule a khusegidego ngudzu, kholu uye khwadi ambari ga vale va si gu vadi, va si mu bongigo.

Luka 8:28

Na wonide Jesu, a di dzi thesa migondroni gwaye, na gu gulumela khu tshivba, khuye: “Ginani nyi nga gu ghohela, Jesu, Mwamana wa Nungungulu a Khusegidego ngudzu? Nya gu lomba gukheni u nga nyi tshanisi.”

Johane 20:31

Esi si lovidwe gasi mu khodwe gukhenu Jesu khu Kristo, Mwamana wa Nungungulu; gasi khu gu khodwa, mu mane guvbanya linani gwaye.

Mithumo 16:17

A di phela gulandrisela Pawulo ni ethu, na gu huwelela, khuye: “Vathu vava sithumi sa Nungungulu a guromo vbatshani ngudzu, va gu mi tivisa ndzila nya guvbanyise.”

Mithumo 19:13

Vambe Vajudha va nga bani va gu legalega va gu tutumisa maphuvbo nya guvivbe, va di lingedzela navo gu thumisa khu lina la Jesu gasi gu vbanyisa vale va nga bani va mbakidwe khu maphuvbo nya guvivbe, va di ganela, khavo: “Eni nyi ngu mi ruma khu lina la Jesu, oyu Pawulo a ganelago khu Uye.”

Mithumo 8:36

Na va gimbide va di mana wulanga nya mati, Muetiyopi a di embela Filipi, khuye: “Mati aya. Ginani gi nyi himbedzago gubhapatiswa?”

Varoma 16:20

Nungungulu nya gurule a na pala Sathane, a mu vega nyamba hwela vbavbatshi nya migondro yanu. Pfhumu yathu Jesu Kristo a na mi kategise.

Vahebheru 2:14

Sanana a si thulago khu vathu nya givili ni novba. Jesu a dzi giride idzosaye ni avo afela gu pala, khu gufa gwaye, Sathane a nga bani ari ni tshivba nya gusonge.

Vahebheru 7:1

Kholu Melikisedheki yoyu a nga bani ari mufumeli wa tigoni ga Salema, a diri muphasi nya mhamba ya Nungungulu a Khusegidego ngudzu. Gikhati Abrahama a nga bani a gu wuya khu litungatunu a nga ya songago vafumeli nya gutale, Melikisedheki a di mu khinga aya mu kategisa.

Jakobe 2:19

Uwe u ngu khodwa ga Nungungulu moyo basi, gani? U ngu gira gwadi; ambari nayo maphuvbo nya guvivbe ma ngu khodwa, ma ndrendremela.

2 Pedro 2:4

Nungungulu kha ditshedza dzingilozi dzi nga ghohago, aholu, a di dzi yisa phalani nya guete nya gidema a dzi diga mugidemani, a lindrela litshigu nya gu dzi lamule,

1 Johane 3:8

Oyu a simamago gu ghoha a gu lumba Sathane. Kholu Sathane ghohide gukhugela guhegulani. Mwamana wa Nungungulu a dzi wonegiside khu kotani nya isoso; guta pfhungumula mithumo ya Sathane.

Judha 1:6

Ni dzingilozi dzi ngamba kodza gu sayisa wurendra wawe, dzi hungidwe khu makhetshe nya gupindruge, phalani nya gidema, omu Nungungulu a dzi vegidego dzi virela Litshigu nya likhongolo nya gulamudwe.

Gutuledwa 12:12

Khu guralo, nengelani mu tsaka, uwe ndzadzini, ni enu mwatshavbo mu vbanyago umo. Aholu libango lomo eno gwanu enu mu vbanyago mafuni ni linene, kholu Sathane tshigide vbakari gwanu na tade khu likhulo nya likhongolo ngudzu, kholu a dzitigo nya gukhuye gikhati gyaye gidugwana ngudzu.”