Marko 5:27 - Bhibhiliya Nya Guage

²⁷ Avbo a nga pwago na gu ganedwa khu mahungu ya Jesu. A di hidzimela khu hwane gwaye a gunyula vathuni aya mu kuha guambala gwaye.

Marko 5:27 Iomraidhean Croise

2 Dzipfhumu 13:21

Na va gu dzinga muthu, va di wona gikwata na gi guta, avo va di rinya girumbi thowoni ga Elizewu. Avbo girumbi gi nga khuhago marambo ya Elizewu, muthu wule a di wuga a vbanya a ema khu mawundru yaye.

Matewu 14:36

Vata mu lomba gukhavo a va dzumedzise gu kuha tshoka nya libhadzi laye. Vatshavbo avo va nga yi kuhago, va di hawulugiswa madwali yawe yatshavbo.

Marko 5:26

A di gimbide mudzinyangani nya dzingi, umo a nga gimbila a phalalegisela thomba yaye yatshavbo, aholu gima kha sa mu phasa gilo, madwali ma diya na ma gu engedzelana.

Marko 5:28

Kholu a di gu pimisa kharati, khuye: “Nya nga kuha guambala gwaye basi nyi na hawuluga.”

Marko 6:56

Ni evbini a nga bani a gu bela, mitalalani, madhoropani ni dzindrangani, va di vega vadwali dzindzilani, gasi a va hawulugise, va mu lomba gu va dzumedzisa gu kuha tshoka nya ngandzu yaye. Ava va nga mu kuha, vatshavbo va di hawuluga.

Mithumo 19:12

gu di vboha avbo vathu va nga dzega sikhongelo va gu kuha khiso mili waye, va gu si yisa ga vadwali va gu hawuluga, ni maphuvbo nya guvivbe ma gu duga ma hongola.

Mithumo 5:15

Va di dzega vadwali va gu va rwala khu mathatho mu dzindzilani, gasi gikhati Pedro a vbindrago va kuhwe khu mwedzi waye.