Marko 5:15 - Bhibhiliya Nya Guage

¹⁵ Na va vbohide avba a nga bani a romo Jesu, va di wona muthu wule a nga bani ari ni maphuvbo nya guvivbe na khade, na ambade dzingandzu dzaye, nari ni mapimo yaye yatshavbo, va di khala hwanga.

Marko 5:15 Iomraidhean Croise

1 Dzikoronika 13:12

Khu litshigu lolo, a di taledwa khu hwanga a thava Nungungulu, khuye: “Nyi na kodza kharini gu hakha Ngasa ya Nungungulu nyumbani gwangu.”

1 Dzikoronika 15:13

Khu guralo, olu guhegulani mu ngamba manegani, Pfhumu Nungungulu wathu a hi vetide, kholu kha ha landrisa sileletelo a hi leletedego.”

Joba 13:11

Ina wugulu waye kha wu na mi thela hwanga, mu thuswa khu guthisa gwaye, gani?

Dzindzimo 14:5

Va na ndrendremela khu hwanga kholu Pfhumu Nungungulu a gu ema ni vale va lulamidego.

Matewu 12:29

Nga nyi embelani: Gu kodzega kharini gu muthu aya bela ndrangani nya ndrena a gu yi phanga silo saye satshavbo, nyamba phela khu gu yi hunga? Hwane nya gu bani a yi hungide, khavbo a dzi kodzago gu yi phanga ndranga yaye yatshavbo.

Matewu 26:53

Wa gu pimisa nya gukhuwe nya gu tandrwa khu gu lomba ga Babe wangu gu a nyi rumela nugunugu likhumi na sivili sikwata nya dzingilozi, ni gu vbindrisa, gani?

Matewu 4:24

Ndruma yaye yi di phalalega ni Siriya gwatshavbo. Va di mu resela vatshavbo avo va nga bani vari ni madwali ni dzingumbe nya dzingi ni simbe sigaradzo; avo va nga bani vari ni maphuvbo nya guvivbe, va nya guhandruga ni va nya sitshira, ni sikhurubwa. A di va hawulugisa vatshavbo.

Matewu 9:33

Me ni gu tutumiswa liphuvbo lile, gidudu gi di ganela. Gidzemo gi di tala khu guliwuga, khigyo: “Gima hi si gu woni nya nga esi tigoni momu ga Israyeli.”

Marko 5:14

Vahavisi va di thava, vaya tivisa mahungu yaya dhoropani ni mu dzindrangani. Vathu nya vangi va di ya wona iso si nga dugelelago.

Marko 5:16

Avo va nga si wonago va di fakaza satshavbo si nga dugelelago ga muthu wule a nga bani ari ni maphuvbo nya guvivbe, niso si nga dugelelago dzikhumba.

Marko 5:18

Avbo Jesu a nga belago ngalavani, muthu wule a nga duswago maphuvbo nya guvivbe a di mu lomba gu hongola Naye.

Marko 5:4

Dzinyondro dzingi a nga thedwago maphili mawundruni ni gu hungwa mawogo khu makhetshe, a di pandra maphili, a kavila makhetshe. Mwalo muthu a nga bani ari ni tshivba nya gu mu mole.

Marko 5:9

Khavbo avbo, Jesu a di mu wudzisa, khuye: “Gasi khuwe mani lina lago?” Uye a di mu hakha, khuye: “Kheni lidhuma, kholu hi vangi.”

Luka 10:39

Uye a diri ni ndriyaye nya gupwani khu Mariya, uye a ngata khalago vbafuvbi ga Pfhumu, gasi gupwa magana yaye.

Luka 8:27

Na dugide khu ngalavani, Jesu a di khingwa khu mwama moyo a nga bani a guta khu dhoropani. Mwama yoyo a diri ni maphuvbo nya mangi nya guvivbe. Adiri gale a nga bani a gu khala nyamba ambala gilo a di si khali ndrangani, a di vbanyela marowoni.

Vakolosi 1:13

A hi vbulugiside tshivbani nya gidema a gu hi bedza mufumoni wa Mwanaye nya gigodwa.

2 Thimoti 1:7

Kholu, Nungungulu kha hi ninga liphuvbo nya hwanga, aholu, a hi ningide liphuvbo nya tshivba ni lihaladzo ni gu dzi phara.

1 Samuweli 16:4

Khu guralo, Samuweli a di gira iso a nga embedwago khu Pfhumu Nungungulu, a ta Bhetlehema. A di khingwa khu madhota ya dhoropani, na va gu ndrendremela va mu wudzisa, khavo: “Guta gwago khwa gurula, gani?”