Marko 5:13 - Bhibhiliya Nya Guage

¹³ Uye a di dzumela. Khavbo avbo, maphuvbo nya guvivbe ma di duga ga muthu wule, ma guya bela dzikhumbani dzi nga bani dzi gu ningana tengo nya magumavili (2.000) mazana. Dzikhumba dzi di tutuma dzi ya bela matini dzi gu mbemba dzatshavbo.

Marko 5:13 Iomraidhean Croise

1 Dzipfhumu 22:22

Ilo li di hakha, khilo: Eni nyi naya duga nyi khala liphuvbo nya vaprofeti nya malipha kanani ga vaprofeti vaye vatshavbo. Khavbo avbo, Pfhumu Nungungulu a di li ruma, khuye: Lisine, gimbila uya gira kharato kha nga idzo u ganedego; u naya mu kanganyisa.”

Joba 1:12

Pfhumu Nungungulu a di embela Sathane, khuye: “Khedza, u wona satshavbo a gu naso, somo mandzani ni tshivbani gwago, aholu u nga tshuki u kuha mili waye.” Khu guralo Sathane a di khuga mbeli ga Pfhumu Nungungulu.

Joba 2:6

Pfhumu Nungungulu a di embela Sathane, khuye: “Khuye uyoyo, womo mandzani gwago, aholu u nga dusi womi waye.”

Matewu 7:6

“Mu nga dzegi silo nya gukatege mu ninga dzimbwa, dzi nga mi wugelani dzi mi hodza; kha nga gambe, mu nga dzegi dzindralama dzanu mu ninga dzikhumba, dzi nga gandredzedwa.

Matewu 8:32

Jesu a di ma embela, khuye: “Indrani!” Khavbo avbo, na ma dugide, ma diya bela mudzikhumbani, dzi nga tutumago dzi ya bela nondrwani, umo dzi nga ya mbembago dzatshavbo.

Marko 5:12

Maphuvbo yale nya guvivbe ma di lomba ga Jesu, khayo: “Hi dzumedzise guya bela dzikhumbani mule.”

Marko 5:14

Vahavisi va di thava, vaya tivisa mahungu yaya dhoropani ni mu dzindrangani. Vathu nya vangi va di ya wona iso si nga dugelelago.

Johane 8:44

Babe wanu khu Sathane, khu kharato mwa vbweta gu gira guhaladza gwaye. Uye gighevenga gukhugela guhegulani, gima a si gu emeli lisine, kholu gwaye limwalo lisine. A gu lipha khu gu landra tumbunugo nya makhalelo yaye, kholu uye muliphi gambe babe nya malipha.

1 Pedro 3:22

A litidego ndzadzini aya khala nyamudye ga Nungungulu, a fumela dzingilozi dzatshavbo ni vafumeli ni dzitshivba dzatshavbo dza ndzadzini.

Gutuledwa 20:7

Guvbela nya likhumi mazana myaga, Sathane a na tshudwa a gu duswa pasoni.

Gutuledwa 9:11

Mbasa yatshavbo yi di gu thangedwa khu pfhumu mweyo a gu ngilozi ya phalani. Khu Gihebheru ya gu ranwa “Abhadhoni” khu Gigereki “Apollion” gu tshamusago gupwani “Mumbembisi.”