Marko 4:40 - Bhibhiliya Nya Guage

⁴⁰ Khavbo avbo, a di va embela, khuye: “Khu ginani mu thavago ngudzu? Ina mu si gu khodwi, gani?”

Marko 4:40 Iomraidhean Croise

Isaya 42:3

Kha na funya tshava yi pandregidego, ambari gu tshima litirisida li nga gu tuvigago wutshi; a na tiyisa khu lisine gululama.

Isaya 43:2

Ambari wa guvbindra khu matini, eni nyi na bani nyiri nago, wa gu tsemakanya mitsongo, gima khu na dzama. Wa guvbindra khu vbakari nya nilo, gima khu na nga vbya, ambari gu vbiswa khu malavbelavbe.

Matewu 14:31

Khavbo avbo, Jesu a di mu phara khu libogo, a mu embela, khuye: “Muthu nya gukhodwe vbadugwana, khu ginani u nga kanakanago?”

Matewu 16:8

Aholu Jesu, a nga bani a wona mapimo yawe, a di va embela, khuye: “Vathu nya gukhodwe vbadugwana, khu ginani mu emago dzikhana khu gukhenu kha mwa dzega sibaba?

Matewu 6:30

Ambari nya gukhenu mwasi, nya gu muhuno womo thembweni, mindru wu rinywa niloni, wu ambagiswago kharati khu Nungungulu, ahati enu, vathu nya gukhodwe vbadugwana?

Matewu 8:26

Jesu a di va embela, khuye: “Mwa gu thava ginani, vathu nya gukhodwe vbadugwana?” Na khugide, a di kawuka phuvbo ni mavimbi. Khavbo avbo, gu di manega malenga nya makhongolo.

Marko 4:41

Avo va di ndrendremela ngudzu va gu wudzisana khu gyawe, khavo: “Gasi khu mani oyu nya gu ambari phuvbo ni mavimbi si mu yingela?”

Luka 8:25

Khavbo avbo, a di va embela, khuye: “Gomo hayi gukhodwa gwanu?” Na va tade khu hwanga ni guliwuga, va di wudzisana, khavo: “Gasi khu mani oyu nya gu ambari phuvbo ni mavimbi si mu yingela?”