Marko 4:28 - Bhibhiliya Nya Guage

²⁸ Mafu khayo ma gu ni tshivba nya gu bugise, guhegula ya gu buga litshina, gu handzamedza mahongwe, gu landrela makonva a gu ayo ma thelago dzimbewu.

Marko 4:28 Iomraidhean Croise

Genesi 2:9

Pfhumu Nungungulu a di bugisa tigoni mafumbu yatshavbo nya misimbo nya mihandro nya gutsakise gu yi wona, ni gutshamba gu yi hodza. Vbakari nya lithembwe a di vega simbo nya womi, ni simbo nya guti gu hambanisa iso nya sadi niso nyamba sadi.

Dzindzimo 1:3

A gu fanana ni simbo wu yadwego bambe nya tsongo, wu ningago mihandro khu nango yakone, mahagane yaye kha ma wuni; sigiro saye satshavbo sa gu duga gwadi.

Mavingu 4:18

Aholu ndzila ya va nya gululama ya gu wenengedza kha nga wuronga nya gugye, wu wenengedzago kala gu gira safa nya mihani.

Muhevbudzi 3:1

Satshavbo si dongisedwe gikhati gyaye, gyomo gikhati nya satshavbo si guromo mafuni:

Muhevbudzi 3:11

Silo satshavbo Nungungulu a si vegede gikhati gyaye; na vegide gambe myonyoni gwawe gu alakanya dzinango nyamba vbela; ambari kharato, mwalo muthu a wutigo thumo wu giridwego khu Nungungulu gukhugela guphela kala mahegiso.

Isaya 61:11

Kholu kha nga mafu ma bugisago misimbo yatshavbo, ni lithembwe li bugisago dzimbewu dzi yadwego umo, kharato nuye Mune, Pfhumu Nungungulu, a na bugisa gululama ni wuzundzo vbakari nya mayigo yatshavbo.

Hoseya 6:3

Hongoleni hi muti Pfhumu Nungungulu, hi na dzi garadze khu gu vbweta gu muti. Uye a nata gu fanana ni Wuronga, a nata avbo gwathu kha nga ndzadzi nya gilimo, ndzadzi nya maronga yi naganisago mafu, kha na tandrega guta hi phasa.

Matewu 13:26

Na ma dandride mavbila, ma thela mihandro, wu di manega nuwo nyasavare.

Marko 4:27

Gani lade, gani a ngu wuga, gani wutshigu gani mihani, iyo mbewu ya gu buga yi dandra na si dziti magirelo muni.

Marko 4:29

Na dzi vidzidwe dzimbewu dza gu vbwerwa, kholu nango nya guvbwere gu bani yi vbohide.

Vafilipi 1:6

Nyi ngu tumba gukheni uye Nungungulu a phedego gwanu thumo waye nya wadi, a na wu londrowodza kala li gu vboha litshigu la Kristo Jesu.

Vakolosi 1:10

Kharati, mu na kodza gu landrisa guhaladza gwa Pfhumu, mu gu mu tsakisa mithumoni yatshavbo; mu na ninga mihandro nya mithumo ya yadi, mu dandra khu guti Nungungulu.