Marko 4:27 - Bhibhiliya Nya Guage

²⁷ Gani lade, gani a ngu wuga, gani wutshigu gani mihani, iyo mbewu ya gu buga yi dandra na si dziti magirelo muni.

Marko 4:27 Iomraidhean Croise

Muhevbudzi 11:5

Kha nga olu u gumba yiti ndzila nya phuvbo, ni idzo gu wumbwago khidzo marambo girumbuni ga nyamayi a gu ni mimba, khu kharato gambe mithumo ya Nungungulu, a girago satshavbo, khu yeli gu yiti.

Muhevbudzi 8:17

Khu guralo, nyi di wona thumo watshavbo wu giridwego khu Nungungulu mafuni momu gukheni vathu kha va kodzi gu wu pima ambari muthu a dzi garadzago khu gu wu vbwetedzela, kha dzi kodzi gu wu mana, ambari vale va gukhavo va gengede kha va wu mani.

Marko 4:26

A di ganela gambe, khuye: “Mufumo wa Nungungulu wu ngu fanana ni muthu a yalago mbewu mafuni.”

Marko 4:28

Mafu khayo ma gu ni tshivba nya gu bugise, guhegula ya gu buga litshina, gu handzamedza mahongwe, gu landrela makonva a gu ayo ma thelago dzimbewu.

2 Vatesalonika 1:3

I fanelo yathu gu dhumisa Nungungulu gikhati gyatshavbo khu enu, vandruye. Gu ngu yela gu gira kharalo kholu gukhodwa gwanu gu andride ni lihaladzo lanu li dandride, eli mu girelanago khu gyanu.

2 Pedro 3:18

Aholu, simamani gudandra khu wuhigo ni guti ga Pfhumu, Muvbanyisi wathu Jesu Kristo. Wudhumo ga uye, olu ni gikhati gyatshavbo. Amen.