Marko 4:17 - Bhibhiliya Nya Guage

¹⁷ Aholu avo va mwalo mikhamba, khu kharato, kha va tiya. Va gu mana silingo ni sigaradzo khu kotani nya Mahungu, va gu dzegela gu ma diga.

Marko 4:17 Iomraidhean Croise

Joba 19:28

Mwa gukhenu: Hi simama gu mu tshanisa, gani? Ni guvbweta guti hungo nya nandru waye.

Matewu 11:6

Kategide saye wule a si khunguvanyiswigo kheni.”

Matewu 12:31

Khu kharato, nyi ngu mi embelani, kheni: Muthu watshavbo a ngu dzi kodza gu tsetseledwa sighoho ni guvivba gwatshavbo a gu ganelago. Aholu uye a hembululago Liphuvbo nya Guage gima kha na tsetseledwa.

Matewu 13:21

Kha nga ulo a gu mwalo mikhamba, kha tiya: Sa gu vboha sigaradzo ni sisaniseko khu kotani nya mahungu, a gu dzegela gu ma diga.

Marko 4:16

Kharato nugo, mbewu yi thegelago siwindrini, khu vale va pwago mahungu, va vbiredza gu ma hakha khu gutsaka.

Marko 4:18

Mbewu yi thegelago vbakari nya miba khu vale va hakhago mahungu,

Luka 12:10

Muthu watshavbo a hembululago Mwamana wa Muthu, a na tsetseledwa; aholu, uye a hembululago Liphuvbo nya Guage, gima kha na nga tsetseledwa.

Johane 8:31

Jesu a di embela Vajudha vale va nga khodwa gwaye, khuye: “Mwa gu simama gu vegedza magana yangu, mu na khala vapizane vangu khu lisine,

Vagalatiya 6:12

Ava va vbwetago gu dzi khusedza khu tumbunugo nya wuthu, khavo va mi gurumedzago gu hana wugwera. Va gu gira isoso khu gu thava gu saniswa khu kotani nya gihambano gya Kristo.

2 Thimoti 1:15

Uwe u ngu dziti nya gukhuwe vatshavbo va tigoni ga Aziya va nyi digide ambari nuye Figelo ni Herimogeni.

2 Thimoti 4:10

kholu, Dhemasi a nyi digide khu gu vbweta silo nya mafu, hongode Tesalonika, Kresiseti hongode Galatiya, Tito hongode Dhalimasiya.

2 Thimoti 4:16

Gulamudwani gwangu nya guphele mwalo na moyo a nga nyi emela, vatshavbo va di nyi diga. Nungungulu a na va tsetselele.

Vahebheru 10:29

A gu bani ari guralo, ginani gi na gu dugelelago ga vale va nyenyago Mwamana wa Nungungulu, va gira gilo nya nyalidede, Novba nya gidzumeledzwano gya Nungungulu va handzidwego khuwo? Ginani gi na gu dugelelago ga vale va valago Liphuvbo nya Guage a gu gifefe nya wuhigo?

1 Johane 2:19

Khu lisine, avo va dugide gwathu; kholu khandri va tsawa wathu. Nari pwani va diri va tsawa wathu, na va khade ni ethu. Aholu, avo va dugide, va gu yeyedza kharato lisine nya gupwani kha va lumbi tsawa wathu.

Gutuledwa 2:10

U nga khali hwanga khu gu wona gutshaniseka gu gu viredego. Ndrani nya matshigu yaya, Sathane a na khothela pasoni vambe ni vambe vbakari nya libandla lanu, gasi gu va lingwa. Mu na wona gutshaniseka nya gukhongolo gipimo nya likhumi matshigu. Tumba kala gufa, nyi na gu ambagisa gihugu nya womi nyamba bela.

Gutuledwa 2:13

Nyi ngu miti mithumo yago ni avbo u vbanyago, khavbo gi guromo gikhalo nya wufumu wa Sathane. Ambari guralo, u ngu pala sigaradzo satshavbo, u namarela, khu gutiya, linani gwangu. Khwa nyenya gukhodwa ga eni. Ambari ga matshigu yale a nga songwago khayo mufakazi wangu nya gutumbege Antipa a nga bani a gu vbanya vbakari gwanu, avbo a vbanyago nuye Sathane.