Marko 3:9 - Bhibhiliya Nya Guage

⁹ Khavbo avbo, uye a di embela vapizane vaye va mu dongisela gingalavana gasi a si gundrwi khu vathu.

Marko 3:9 Iomraidhean Croise

Matewu 15:39

Na vbanganide gidzemo, Jesu a di bela ngalavani a gu hongola tigoni ga Magadhani.

Marko 4:1

Jesu na gu hevbudza nyaluphye siwoni a diya khala a randredwa khu gidzemo nya gingi. Khu kharato, a di bela ngalavani yi nga bani yiri matini, gasi gidzemo gi di khala siwoni.

Marko 4:36

Khavbo avbo, va di tshiya gidzemo, va tshatuga ni Jesu khu ngalava a nga bani nari umo. Dzimbe dzingalava dzi di mu bangaladza.

Marko 5:2

Me ni gu duga khu ngalavani, Jesu a di khingwa khu mwama moyo a nga bani na gu dugela marowoni. Mwama yoyu a diri ni maphuvbo nya guvivbe.

Marko 5:30

Khavbo avbo, Jesu, a na dzipwide gukhuye tshivba yaye yi vbungugide a di thendregedza a wudzisa gidzemo, khuye: “Khu mani a nga kuha guambala gwangu?”

Marko 6:32

Khu guralo, va di hongola vonga khu ngalava wulangani nya giwula.

Luka 5:1

Kha nga olu Jesu, a nga bani na romo siwoni nya yiphwa ya Jenezare, vbakari nya vathu va nga bani va gu mu gundra, gasi gu pwa mahungu ya Nungungulu, bambe nya litsiva la Genezareta

Luka 5:3

A di bela ngalavani nyo kari, yi nga bani yi gu lumba Simoni. Khavbo avbo, a di mu ruma gu yi hidzimisa matini. Uye, khu ngalavani, a di hevbudza gidzemo.

Johane 6:15

Jesu, na dzitide gukhuye va di vbweta guta mu gira mufumeli, a di khuga nyaluphye, enga, a gu gwela gigomoni.