Marko 3:7 - Bhibhiliya Nya Guage

⁷ Jesu a di khuga a gu hongola siwoni ni vapizane vaye, a di landrwa khu gidzemo nya gingi gya Galileya, Judheya,

Marko 3:7 Iomraidhean Croise

Matewu 10:23

Mwa gu tutumiswa dhoropani momo nya gukari, thavelani ga limbe. Kholu khu lisine nyi ngu mi embelani, kheni: Kha mu na vbedza gu dzuwulugela madhoropa ya Israyeli na si gu vbohi Mwamana wa Muthu.

Matewu 12:15

Jesu, na dzitide, a di khuga khu vbale. Vathu nya vangi va di mu landra. Uye a di vbanyisa vatshavbo,

Matewu 12:16

a gu va laya gu va si mu pwadzi.

Matewu 4:25

A di landrisedwa khu mwandra nya vathu, nya gute khu Galileya, khu Dhekapoli, khu Jerusalema, khu Judheya ni tshatugo ga Joridhani.

Marko 1:39

A di gimbila tigoni gwatshavbo ga Galileya, na gu hevbudza Ivhangeli dzinyumbani gwawe nya nombelo, ni gu tutumisa maphuvbo nya guvivbe.

Marko 1:45

Aholu, uye, me ni gu khuga khu vbale, a di huwelela ni litigo latshavbo esi si nga giregago gwaye. Khu kharato, Jesu kha nga dzi kodza gubela madhoropani, a di khala mu siwulani. Ambari ulo, vathu va di hongola gwaye na va guta khu malangani yatshavbo.

Marko 3:20

Khavbo avbo, a di hongola gaya ni vapizane vaye. Gidzemo gi di tombana nyaluphye nyamba mu ninga ni gikhati gidugwana nya gumane gu hodza.

Marko 4:1

Jesu na gu hevbudza nyaluphye siwoni a diya khala a randredwa khu gidzemo nya gingi. Khu kharato, a di bela ngalavani yi nga bani yiri matini, gasi gidzemo gi di khala siwoni.

Luka 23:5

Aholu avo va di simamisa, khavo: “Uye a ngu kutsedzela vathu Judheya gwatshavbo khiso a hevbudzago gukhugela Galileya kala omu.”

Luka 6:12

Khu matshigu yale, Jesu a di gwela mugigomoni, gasi guya gira nombelo. A di pilekelana wutshigu watshavbo na gu lombelela ga Nungungulu.

Luka 6:17

Jesu a di relela navo a gu ema panini, avbo a nga mananago ni vapizane nya vangi ni gidzemo nya gingi nya vathu va nga bani va dugela Judheya gwatshavbo, ni Jerusalema, ni bambe nya yiphwa ya Tiro ni Sidhoni,

Johane 7:41

Vambe va di khavo: “Khu Kristo!” Gasi vambe va di khavo: “Kristo nya gute khu Galileya?

Johane 7:52

Va di mu phindrula, khavo: “Uwe nuwe u wa Galileya, gani? Khedza gwadi, u na wona nya gukhuwe mwalo muprofeti a dugelago Galileya.”

Mithumo 17:10

Ni wutshigu wowo, vandruye va di khiledza Pawulo ni Silasi va gu hongola Bhereya. Na va vbohide va di hongola nyumbani nya nombelo nya Vajudha.

Mithumo 17:14

Khavbo avbo, vandruye va di dzega Pawulo khu guvbiredza va gu hongola naye siwoni, gasi Silasi ni Thimoti va di tshala.

Josuwa 20:7

Kharati, va di emisa madhoropa ya Kadesi, tigoni ga Galileya, gigomoni gya Nafitali; Sikemi, gigomoni gya Efrayimi; Kiriyati-Aribha, (mwendro Hebroni), gigomoni gya Judha.

Josuwa 21:32

Ga lihundzu la Nafitali, va di mana madhoropa nya wuthavelo wa vale va nga songa khu guphazama, Kedhesi, tigoni ga Galileya, ni wuhaviselo waye, Hamoti-Dhori, ni wuhaviselo waye, Karitani ni wuhaviselo waye; yatshavbo ma khala madhoropa mararu.