Marko 3:35 - Bhibhiliya Nya Guage

³⁵ Kholu muthu watshavbo a girago gugola gwa Nungungulu khuye a gu ndriyangu nya mwama, nuye nya nyamayi ni mayi wangu.”

Marko 3:35 Iomraidhean Croise

Matewu 7:21

“Khandri watshavbo wule a gukhuye: Pfhumu, Pfhumu, a na belago Mufumoni wa Ndzadzini. Aholu a na bela basi uye a girago gugola ga Babe wangu a guromo Ndzadzini.

Johane 7:17

Uye a vbwetago gu gira gugola gwa Nungungulu a na dzi wudzisa gukhuye gihevbudzo gyangu gya guta khu ga Nungungulu, mwendro nya gu gi khugela.

Vaefeso 6:6

Mu nga va thumelini basi khu gu va thava, nga khwatshi mwa gudwanela gu tsakisa vathu, aholu thumani nga sithumi sa Kristo, mu gira guhaladza gwa Nungungulu khu monyo wanu watshavbo.

Vahebheru 10:36

Timiselani gasi mu gira guhaladza ga Nungungulu, mu mane guya hakha esi a mi tumbisago.

Jakobe 1:25

Aholu, muthu a khedzisago gwadi Nayo nya gululame wu hi ningago gutshulega a tiya ga uwo, a si tsakiswi basi khu gupwa, aholu, a landrisa esi Nayo wu rumago, a na kategiswa mithumoni yaye yatshavbo.

1 Pedro 4:2

Khu guralo, gukhugela ga matshigu yanu ma nga tshadego nya guvbanye mafuni momu, vbanyani khu gu landrisa guhaladza ga Nungungulu, nasiri gu landrisa gudogolela nya wuthu.

1 Johane 2:17

Mafu ma ngu vbindra, gumogo ni satshavbo sile si godwago khu vathu, aholu, oyu a girago guhaladza ga Nungungulu, a na vbanya kala gupindruga.