Aholu Jesu a di mu laya, khuye: “U nga embeli muthu; indra dzi leyedza ga muphasi nya mhamba, gufela gu a ningela, khu guagiswa gwago, iso si rumwago khu Mosi, gasi gu khala nari wufakazi vbakari gwawe.”
A di hawulugisa vathu nya vangi madwali yawe nya guhambanehambane, a gu tutumisa maphuvbo nya mangi nya guvivbe, a si ma dzumedzisi gu ganela, kholu ayo ma di gu muti khayo khuye mani.
A di gira esi matshigu nya mangi. Khavbo avbo, Pawulo khu gu garala a di thendregedza a ganela ga liphuvbo, khuye: “Khu lina la Jesu Kristo nyi ngu gu ruma: Diga nyamahegyane yoyo.” Khu gikhati gyogyo gikwembu gi di mu diga.