Marko 2:24 - Bhibhiliya Nya Guage

²⁴ Vafarisi va di mu kawuka, khavo: “Khu ginani vapizane vago va girago esi si himbedzedwago gu gira khu litshigu nya Sabhadho?”

Marko 2:24 Iomraidhean Croise

Ekisodha 20:10

Aholu litshigu nya livbandre na mavili, Sabhadho ya Pfhumu Nungungulu wago; u nga thumi gilo khu litshigu lolo uwe mwendro gyanana gyago nya gikhwathana, mwendro githumi gyago nya mwama mwendro nya nyamayi, ambari gifuyo gyago, mwendro muluveli a khalago ndrangani gwago.

Ekisodha 31:15

Mu na thuma livbandre na limwedo matshigu, aholu ilo nya livbandre na mavili, Sabhadho nya guhefemule yi phasedwego Pfhumu Nungungulu; uye a thumago thumo nya gukari khu Sabhadho, a na songwa.

Isaya 56:2

Kategide wule a landrisago milayo yeyi, ni muthu wule a tiyago ga iyo, a dzi vegedza gumba nyenyezisa Sabhadho, a si giri guvivba khu mandza yaye.”

Isaya 56:4

Kholu Pfhumu Nungungulu a ngu ganela kharati, khuye: Mithenwa yi vegedzago dzisabhadho dzangu, ga gu hathe igyo gi nyi tsakisago, va ema avbo nya gidzumeledzwano gyangu,

Isaya 56:6

Ni valuveli va dugelago ga mambe mayigo, va guta dzi ningela ga Pfhumu Nungungulu, gasi gu mu thumela ni gu gola lina la Pfhumu Nungungulu, ni gu khala sithumi saye, ni vatshavbo va vegedzago litshigu nya Sabhadho, va si li nyenyezisi, va landrisa gidzumeledzwano gyangu,

Isaya 58:13

Wa gu dzi vegisa u si nyenyezisi Sabhadho, u si thumi iso si godwago khu monyo wago khu litshigu langu nya guage, litshigu nya Sabhadho u li rana nari litshigu nya gutsake li phasedwego Pfhumu Nungungulu, li yelago gu zundzwa; wa gu li rungudza u si yi umo u gu golago, u si vbweti gu gira iso uwe u si golago, ambari gu ganela silo nya guvivbe,

Matewu 12:2

Vafarisi, na va wonide esi, va di mu embela, khavo: “Va phelegede vapizane vago gu gira iso si himbedzedwago gu girwa khu litshigu nya Sabhadho!”

Marko 2:16

Valovi, nya tsawa wa Vafarisi, na va mu wone na gu hodza ni sighohi ni vahengisi nya khupho, va di wudzisa ga vapizane vaye, khavo: “Khu ginani uye a hodzago gumogo ni vahengisi nya khupho ni sighohi?”

Marko 2:25

Jesu a di va hakha, khuye: “Mu si gu hevbuli esi a nga girago Dhavhidhe gikhati a nga dugago gumogo ni ava a nga bani ari navo avbo a nga pwago ndzala, gani?

Marko 2:7

“Khu ginani a ganela kharati? A gu vala Nungungulu. Khu mani a dzi kodzago gu tsetselela sighoho vbavbandze ga Nungungulu basi?”

Vahebheru 12:3

Alakanyani gusaniseka gwaye, ni edzi a nga timiselago khidzo likhulo nya sighohi. Kharato, enu nenu mu nga vbeli tshivba, mu bwelelela hwane.