Marko 2:13 - Bhibhiliya Nya Guage

¹³ Jesu a di duga nyaluphye a gu hongola siwoni nya yiphwa ya Galileya. Gidzemo gyatshavbo gi di mu landra; uye a di va hevbudza.

Marko 2:13 Iomraidhean Croise

Matewu 13:1

Litshigu lile, Jesu a di khuga khu ndrangani a hongola siwoni aya khala.

Matewu 9:9

Jesu na khugide khu vbale, a di wona mwama moyo nya gupwani khu Matewu, na khade wulangani gwaye nya gukhuphise, a mu embela, khuye: “Nyi landre!” Uye a di khuga a mu landra.

Marko 1:45

Aholu, uye, me ni gu khuga khu vbale, a di huwelela ni litigo latshavbo esi si nga giregago gwaye. Khu kharato, Jesu kha nga dzi kodza gubela madhoropani, a di khala mu siwulani. Ambari ulo, vathu va di hongola gwaye na va guta khu malangani yatshavbo.

Marko 10:1

Jesu na khugide khu vbale, a diya tigoni ga Judheya, tshatugo nya tsongo wa Joridhani. Na randredwe nyaluphye khu vathu, a di va hevbudza kha nga giolovedzo gyaye.

Marko 2:2

Gi di tshangana gidzemo nya gingi ngudzu, gi nga tadzago ndranga yatshavbo kala vbanyangwatunu. Uye a di va hevbudza Mahungu ya Nungungulu.

Marko 4:1

Jesu na gu hevbudza nyaluphye siwoni a diya khala a randredwa khu gidzemo nya gingi. Khu kharato, a di bela ngalavani yi nga bani yiri matini, gasi gidzemo gi di khala siwoni.

Luka 19:48

ambari ulo kha va nga dziti va na gira kharini, kholu vathu vatshavbo va di gu mu yingisa khu gunengela.

Luka 21:38

Vathu vatshavbo va di gu vindrugela gu hongola Nyumbani ga Nungungulu gasi guya pwa Jesu.