Marko 16:9 - Bhibhiliya Nya Guage

⁹ Na wugide khu gufani ni dzimindru nya litshigu nya guhegule nya semana, Jesu a di hegula khu gu dzi wonegisa ga Mariya Madhalene, wule a nga mu dusa livbandre na mavili maphuvbo nya guvivbe.

Marko 16:9 Iomraidhean Croise

2 Dzipfhumu 5:4

Khu guralo, Nahamani a di yisa magana yaya ga mufumeli waye, aya mu embela, khuye: “Nyamahegyane wule atago khu tigoni ga Israyeli, a di ganede esi ni esi.”

Matewu 27:56

Vbakari nya vanyamayi vale, a di romo Mariya wa Madhalene, Mariya, mayi wa Jakobe ni Josefe ni mayi wa sanana sa Zebhedhewu.

Marko 15:40

Va diromo navo vbafuvbi vbale vanyamayi va nga bani va gu khedzisela khu hwindzo. Vbakari gwawe a di romo Mariya Madhalene, Mariya mayi wa Jakobe, ni Josefe ni Salome.

Marko 15:47

Mariya Madhalene ni Mariya mayi wa Josefe, va di khedzisela gasi gu guti avba a nga dzingwa avbo.

Marko 16:8

Avbo vanyamayi va nga dugago khu thowoni, va di tutuma na va gu ndrendremela khu gusamala, aholu kha va embela muthu khu hwanga.

Luka 24:10

Vanyamayi vava a diri Mariya wa Madhalene, Jowana ni Mariya, mayi wa Jakobe. Vambe vanyamayi va nga bani vari navo, va di fakaza navo silo sesi ga vapostoli.

Luka 8:2

va diri naye vanyamayi vale a nga va vbanyisago khu gu va tutumisela maphuvbo nya guvivbe ni gu va hawulugisa dzingumbe nya gutale. Adiri avo: Mariya Madhalene, a nga mu dusela livbandre na mavili maphuvbo nya guvivbe,

Johane 20:12

a di wona dzingilozi dzimbili dza Nungungulu na dzi ambade myendra nya guage na dzi khade avbo gi nga bani giromo girumbi gya Jesu, yimbe khu mihungotunu, yimbe khu mawundrutunu.

Mithumo 20:7

Khu litshigu nya Sabhadho hi di tshangana gasi gu hodza dangamwedo gilalelo. Pawulo a nga bani a gu dongisela gu khuga khu mindru gakone, a di ganela ga vakhodwa, a laphisa tshumayelo kala vbakari nya wutshigu.

1 Vakorinto 16:2

Khu litshigu nya guhegule nya sumana, muthu ni muthu a na kase gipandre nya silo a thumidego ndrani nya sumana a si vega khu phuvbo ndrangani gwaye, gasi mu siti gira mihengo khu gu bani nyi vbohide.

Gutuledwa 1:10

Khu litshigu la Pfhumu nyi di tshigedwa khu liphuvbo, nyipwa hwane gwangu lito nya likhongolo nya nga pundru,