Marko 16:10 - Bhibhiliya Nya Guage

¹⁰ Uye a di khuga aya tivisa ga vambe vapizane va Jesu va nga bani vari gutshanisekani va gu lila.

Marko 16:10 Iomraidhean Croise

Matewu 19:22

Na li pwide mahungu yaya, lidzaha lile li di hongola na li gutshaniseka monyoni, kholu li diri ni dzithomba nya dzingi.

Matewu 24:30

Khavbo avbo, gu na wonega Ndzadzini giyeyedzo gya Mwamana wa Muthu, giyeyedzo gi na gu girago vathu vatshavbo nya mafu va lila khu gu wona Mwamana wa Muthu na guta vbakari nya lipfhi, na tade khu tshivba nya yikhongolo ni gidhumo.

Matewu 9:15

Jesu a di va hakha, khuye: “Ina gu ngu kodzega gu dziphelegedzi dza mwane dzi swihala na dziri naye, gani? Ma nguta matshigu va na gu dzegedwago mwane. Gikhati gyogyo va na hala!”

Marko 14:72

Khu gikhati gyogyo khonge wu di emba. Khavbo avbo, Pedro a di dundruga magana ya Jesu a nga khuye: “Uwe u na nyi danga guraru khonge na si gu embi guvili,” a di garadzega, a duga na gulila.

Luka 24:17

A di va wudzisa, khuye: “Libhulo muni ilolo mu gu nalo vbakari nya ndzila?” Va di ema, na va tade khu wusiwana.

Johane 16:6

Myonyo yanu yi swihade, kholu nyi mi embelago silo sesi.

Johane 20:18

Mariya Madhalene a diya embela vapizane, khuye: “Nyi wonide Pfhumu!” A gu va tshamusela iso Jesu a nga mu embelago.