Marko 15:43 - Bhibhiliya Nya Guage

⁴³ A dita Josefe wa Arimateya, givbango nya guthavisege nya madhota, a nga bani a gu lindrela nuye guta nya Mufumo wa Nungungulu, a di tiya a hongola ga Pilato aya lomba girumbi gya Jesu.

Marko 15:43 Iomraidhean Croise

Matewu 19:30

Nya vangi va nya guphela va na bani vari mahegisela; gasi nya vangi va gu mahegisela va na bani vari va gu phela.

Matewu 20:16

Kharati, va nya guhegisela va na bani vari va nya guphela; va nya guphela va na bani vari mahegisela. Kholu vangi va ranwago, aholu sihathwa si dugwana.”

Matewu 27:57

Na li hwide, a di ta mwama moyo nya gitetema, nya gupwani khu Josefe wa Arimateya. Uye nuye a di dzi giride mupizane wa Jesu.

Marko 14:54

Pedro a di landra khu hwindzo, kala aya bela ndrangani ga muphasi nya khongolo, aya khala ni dzindruna a gu wora nilo.

Marko 15:44

Pilato a di liwuga khu gupwa nya gupwani Jesu vbiredzede gufa, a di rana ndruna nya lizana masotshwa a yi wudzisa gukhuye: “Ina gale na fude, gani?”

Luka 2:25

A di gu vbanya Jerusalema mwama moyo nya gupwani khu Simiyoni. Adiri muthu nya gululame ni githawo ga Nungungulu; a di gu lindrela gu tangadziswa ga Israyeli, Liphuvbo nya Guage li diri gwaye.

Luka 2:38

Uye nuye a di vboha khu gikhati gile, a di dhumisa Nungungulu gumogo ni gu ganela khu gyanana gile ga vatshavbo va nga bani va gu lindrela guvbanyiswa ga Jerusalema.

Luka 23:50

A diromo mwama moyo nya gupwani khu Josefe, a nga bani ari moyo nya madhota, a nga bani ari muthu nya ndruda ni gululama.

Luka 23:51

Kha nga nengela khiso si nga hungwago ni gu girwa khu vakwawe. Adiri givelegwa gya Arimateya, lidhoropa nya Vajudha, a di gu lindrela Mufumo wa Nungungulu.

Johane 19:38

Khavbo avbo, Josefe wa Arimateya, a nga bani ari mupizane wa Jesu, nya gisihaledza, khu guthava vakhongolo nya Vajudha, a di lomba ga Pilato guya dzega girumbi gya Jesu. Na dzumedwe khu Pilato, Josefe a diya dusa girumbi.

Mithumo 13:50

Aholu Vajudha va di kutsedzela vanyamayi nya vakhodwa nya guthavisege, ni vama nya sitetema va dhoropani mule va wugela Pawulo ni Bharinabha kala va va tutumisa tigoni gwawe.

Mithumo 17:12

Khu magirelo yoyo, vathu nya vangi va di khodwa. Vbakari nya Vagreki gu di manega vanyamayi nya guthavisege ni vama nya vangi.

Vafilipi 1:14

Vandruye nya vangi khu gukhodwa va tiyide longo khu gu wona dzitshinga nyi hungidwego, va gu engedzela gitumbo gyawe ga Pfhumu, muhuno va ngu tivisa mahungu ya Nungungulu khu tshivba, nyamba thava gilo.