Marko 14:72 - Bhibhiliya Nya Guage

⁷² Khu gikhati gyogyo khonge wu di emba. Khavbo avbo, Pedro a di dundruga magana ya Jesu a nga khuye: “Uwe u na nyi danga guraru khonge na si gu embi guvili,” a di garadzega, a duga na gulila.

Marko 14:72 Iomraidhean Croise

2 Samuweli 24:10

Hwane nya gu bani na sayede vathu, Dhavhidhe a di vetwa khu livhalo a vbisega monyoni gwaye; Dhavhidhe a ganela ga Pfhumu Nungungulu, khuye: “Nyi ghohide ngudzu khesi nyi giridego, gasi olu uwe Pfhumu Nungungulu, nyi ngu gu lomba gukheni u duse guvivba ga githumi gyago, kholu nyi thumide silo nya wupumbu ngudzu.”

Ezekiyeli 16:63

Nyi na gira esi, gasi u alakanye ni gu khala dzitshoni, gima u si tuli gambe likana lago khu kotani nya dzitshoni dzago, gikhati nyi nga tsetselelana nago khu satshavbo u giridego; a ngu ganela Mune Pfhumu Nungungulu.”

Ezekiyeli 36:31

Khavbo avbo, mu na alakanyani dzindzila dzanu nya guwegele ni mithumo yanu nya guvivbe; mu na khala sirangalabwa enu vamune kamwe khu kotani nya guvivbe ni gu dzi nyenyezisa gwanu.

Ezekiyeli 7:16

Vatshavbo va na vbulugago gufa va na tutumela sigomoni na va gu lila kha nga sipomba si guromo kovani, moyo ni moyo a lila khu kota nya sighoho saye.

Matewu 26:34

Jesu a di mu hakha, khuye: “Khu lisine, nyi ngu gu embela: Wutshigu wa muhuno u na nyi danga nyondro tharu, ni khonge nasi gu embi.”

Marko 14:30

Jesu a di mu hakha, khuye: “Khu lisine nyi ngu gu embela, wutshigu wa muhuno, u na nyi danga guraru khonge na wu si gu embi guvili.”

Marko 14:68

Aholu, uye a di danga, khuye: “Kha nyi muti, ne vbadugwana.” Khavbo avbo, a di khuga aya khala vbamwanyatunu. Gikhati gyogyo wu di emba khonge.

Marko 14:71

Khavbo avbo, Pedro a di phela gu danga na gu vbenyavbenya, a sambanya, khuye: “Kha nyi muti muthu yoyo mu mu thulago.”

Luka 22:60

Pedro a di khuye: “Amasawu, kha nyi siti niso u ganelago.” Gikhati gyogyo, na ngu gu ganela, wu di emba khonge.

Luka 22:62

A di duga vbavbandze aya lila khu wuvi waye watshavbo.

2 Vakorinto 7:10

Kholu wusiwana, ga Nungungulu, wa gu vanga guvbindrugedza gu yisago guvbanyani; aholu wusiwana wa mafuni wa gu vanga gufa.