Marko 14:20 - Bhibhiliya Nya Guage

²⁰ Aholu a di va hakha, khuye: “Moyo nya enu nya likhumi na vavili, oyu a bagago gumogo ni eni mbiyani.

Marko 14:20 Iomraidhean Croise

Mavingu 19:24

Muthu nya ngara a gu thela libogo mbiyani, a gu tandrega ni gu li yisa kanani gwaye!

Matewu 26:23

Uye a di va hakha, khuye: “Uye nyi bagago gumogo naye mbiyani, khuye a na gu nyi ningelago.

Matewu 26:47

Na nga guganela, a di bela moyo nya vale nya likhumi na vavili, nari ni libutho nya likhongolo nya vathu, va nga rumedwago khu vakhongolo nya vaphasi ni madhota, na vari ni matshari ni sighomba.

Marko 14:19

Va di phela gu tshaniseka, muthu ni muthu a di wudzisa khu gipandre gyaye, khuye: “Kheni gani, Pfhumu?”

Marko 14:21

Khu lisine, Mwamana va Muthu a gu landra ndzila yaye kha nga edzi gu lovidwego khidzo khu mahungu yaye; aholu libango li na ni wule a na ningelago Mwamana va Muthu . Adiri tshukwana muthu yoyo na sa velegwa.”

Marko 14:43

Khavbo avbo, Jesu na nga guganela a di vboha Judha, moyo nya vale nya likhumi na vavili, nari ni gidzemo nya gingi nya vathu, na va pharide matshari ni sighomba, va nga rumedwa khu vakhongolo nya vaphasi nya mhamba ni vahevbudzi nya Nayo ni madhota.

Luka 22:47

Jesu na nga guganela li di vboha lidhuma nya vathu, na li gu thangedwa khu moyo nya vale nya likhumi na vavili, nya gupwani khu Judha, a nga hidzimelago ga Jesu gasi guya mu bhejari.

Johane 13:26

Jesu a di mu hakha, khuye: “Wule nyi na negago gipandre nya gibaba nyi mu ninga.” Na negide gipandre nya gibaba a di gi ningela ga Judha Sikariyoti, mwamana wa Simoni.

Johane 6:71

A di thula Judha mwamana wa Simoni Sikarioti, kholu khuye a nga bani a gu vbweta gu mu ningela, ambari a nga bani ari moyo nya vale nya likhumi na vavili.