Marko 14:16 - Bhibhiliya Nya Guage

¹⁶ Khavbo avbo, vapizane va di hongola dhoropani, vaya mana satshavbo kha nga edzi a nga ganelago khidzo Jesu. Va diya dongisela Phasika.

Marko 14:16 Iomraidhean Croise

Ezekiyeli 12:7

Eni nyi di gira iso nyi nga leletedwago. Litshigu latshavbo nyi di dusa vbavbandze sombo sangu, nyi si dongisedego gukhwatshi khu vale va hongolago guvbagedwatunu. Khu hwane, nyi di pola gihogo khu mandza yangu vbalibhiyotunu. Na lipfode lidambo, nyi di duga ni rwalo wangu na nyi wu vbagaride nyi na gu wonwa khu vathu vatshavbo.

Marko 14:15

A na mi yeyedza nyumba nya yikhongolo yi gu ni gitezi, mu na mana meza na yi ladzidwe, dongiselani umo.”

Marko 14:17

Na li hwide, a di hongola ni vale nya likhumi na vavili.

Luka 22:13

Va di hongola, vaya mana satshavbo kha nga idzo a nga va embelago khidzo. Va diya dongisela umo Phasika.

Luka 22:35

Jesu a di engedza gambe, khuye: “Gikhati nyi nga mi rumelani nyambana gipatsi, nyambana rava, nyambana silato, gyomo gi nga mi kenelelago, gani?” Vapostoli va di hakha, khavo: “Gi mwalo gi hi keneledego.”

Johane 16:4

Gasi olu nya gu mi embela esi, gufela gu gya gu vboha gikhati gyakone, mu dundruge gukhenu, nyi di mi embede; kha nya mi embelani gukhugela guhegulani, kholu nyi diri nanu.