Marko 14:14 - Bhibhiliya Nya Guage

¹⁴ Avbo a na gu belago, embelani mune ndranga khenu, Muhevbudzi a ngu wudzisa, khuye: ‘Khu yevbini nyumba nyi na hodzelago umo Phasika ni vapizane vangu?’

Marko 14:14 Iomraidhean Croise

Marko 10:17

Na gu duga a hongola, a di khingwa khu mwama na gu tutuma, a ta khidzima migondroni gwaye a mu wudzisa, khuye: “Muhevbudzi nya wadi, ginani nyi fanelago gu gira gasi nyi mane guvbanya nya gupindruge?”

Marko 11:3

Mwa gu wudziswa pwani khu ginani mu girago isoso? Indrani khenu khu Pfhumu a gi vbwetago, hi na gi resa gambe khu guvbiredza.”

Marko 14:13

Jesu a di ruma vapizane vavili vaye, khuye: “Indrani dhoropani, mu na khingwa khu mwama na rwade khali nya mati. Mu landreni.

Marko 14:15

A na mi yeyedza nyumba nya yikhongolo yi gu ni gitezi, mu na mana meza na yi ladzidwe, dongiselani umo.”

Luka 22:11

muya embela mune ndranga, khenu: Pfhumu a hi rumide guta gu wudzisa: Khu yevbini nyumba nyi na hodzelago umo nvutana nya Phasika ni vapizane vangu?

Johane 11:28

Na ganede esi, a diya rana ndriyaye Mariya khu phuvbo, a mu embela, khuye: “Vbohide, Muhevbudzi, a ngu gu rana.”

Johane 13:13

Enu mu ngu nyi rana Pfhumu ni Muhevbudzi wanu; khidzo kharato, kholu kheni kamwe.

Gutuledwa 3:20

Nyi womo vbalidimbatunu nyi khokhotha. Uye a na pwago lito langu a nyi tulela, nyi na bela nyumbani gwaye nyi hodza naye, uye nuye a hodza ni eni.