Marko 13:6 - Bhibhiliya Nya Guage

⁶ Va nata nya vangi khu lina langu, khavo: ‘Kheni Kristo.’ Va na pengisa va nya gutala.

Marko 13:6 Iomraidhean Croise

Jeremiya 14:14

Pfhumu Nungungulu a di nyi embela, khuye: “Vaprofeti va gu profeta malipha khu lina langu; khandri eni nyi va rumedego, ambari gu leletela ni gu va embela; va gu profeta avbo gwanu khu siwoniso nya malipha ni misihalo nya gu pfhadzwe khu guwegela nya myonyo yawe.”

Matewu 24:11

Va na tumbuluga vaprofeti nya vangi nya malipha, va na gu pengisago va nya gutala.

Matewu 24:5

Kholu va nata nya vangi khu lina langu, vata, khavo: ‘Eni kheni Kristo.’ Va na pengisa nya vangi.

Marko 13:22

Kholu va na dugelela Vakristo ni vaprofeti nya malipha. Va na gira siliwugiso nya gutale, si na dzi kodzago gu pengisa ambari sihathwa.

Marko 13:5

Khavbo avbo, Jesu a di phela gu va embela, khuye: “Dzi woneleni, gasi mu si kanganyiswi khu vathu.

Marko 13:7

Mwa gupwa huwa nya dzinyimbi ni guganedwa khu dzinyimbi ni ligwaha nya dzinyimbi mu nga thurugi; gu vbwetega si girega isoso, aholu khandri mahegiso.

Johane 5:43

Nyi dzude khu lina la Babe wangu, enu kha mwa nyi hakhani; aholu mumbe muthu a guta khu lina laye, mu nata mu hakha.

Johane 8:24

Khu kharato nyi nga mi embelago nya gukheni mu na fela giwononi gwanu, kholu mwa gumba khodwa nya gukhenu eni kheni kamwe, mu na fela giwononi gwanu.”

Johane 8:28

Khavbo avbo, Jesu a di khuye: “Gikhati mu na khusedzago Mwamana wa Muthu, mu na dzitini gukhenu kheni mani. Mu na wona nya gukhenu gimwalo nyi girago khu gu gi khugela, aholu mu na dziti gukhenu nya gu ganela kha nga idzo a nyi hevbudzidego khidzo Babe.

1 Johane 4:1

Sigodwa sangu, mu nga dzumeli vatshavbo avo va ganelago gukhavo va na ni liphuvbo la Nungungulu. Hegulani khu gu va sola vathu vovo mu fela gu dziti gukhenu liphuvbo lolo la guta khu ga Nungungulu kamwe, gani? Kholu vaprofeti nya vangi nya malipha va phalalegide ni litigo latshavbo.