Marko 13:20 - Bhibhiliya Nya Guage

²⁰ Nari pwani Pfhumu kha nga rodzisa matshigu yoyo, mwalo a nga vbweta gu vbuluga; aholu, khu kotani nya vale a va hathidego a ma rodziside.

Marko 13:20 Iomraidhean Croise

Isaya 1:9

Naripwani Pfhumu Nungungulu nya Tshivba Yatshavbo kha nga hi tshiyela vambe nya gukari, va vbanya, hi di hadza gu fanana ni Sodhoma, hi fanana ni Ghomora.

Isaya 6:13

Aholu, gwa gu bani gu na tshade gipandre nya likhumi nya vathu va tigoni, gu na simama gu pfhungumudwa; gu fanana ni simbo nya munga ni nvula, ambari wa gu wu koka gu tshala gihuru, uwo wa gu thunga, kharato nugo ga mathungedwa yoyo, gu na dandra nyaluphye vathu va Nungungulu.”

Matewu 24:22

Nari pwani kha nga rodzisa matshigu yoyo, mwalo a nga vbweta gu vbanyiswa. Aholu, khu kotani nya sihathwa saye, a na ma rodzisa.

Marko 13:19

Kholu, khu matshigu yoyo, yi na manega tshanisa nya yikhongolo nya gu gima yi si gu manegi gukhugela avbo Nungungulu a nga vanga litigo, kala matshigu ya muhuno, gambe gima kha yi na manega gambe.

Marko 13:21

Khu kharato, va guta mi embelani, khavo: ‘Wonani, Kristo womo avba’, mwendro gukhavo: ‘Khuye wule,’ mu nga dzumelini.