Marko 13:2 - Bhibhiliya Nya Guage

² Aholu Jesu a di mu hakha a mu embela, khuye: “U ngu dzi wona dzinyumba dzedzi nya dzikhongolo? Dzatshavbo dzi na pfhungumudwa. Kha gi na tshala giwindri vbatshani nya giwindri gikwawe.”

Marko 13:2 Iomraidhean Croise

Jeremiya 26:18

Na nga gu fuma Ezekhiya, mufumeli wa Judha, muprofeti Mikeya wa Morasi, a hi profetide a ganela ga vathu vatshavbo va Judha, khuye: Pfhumu Nungungulu nya Tshivba Yatshavbo ganede kharati, khuye: Siyoni a na limwa nga lithembwe, Jerusalema a na vbindrugedza a khala litala nya marumbi, lina nya Nyumba ya Nungungulu li vbindrugedza li khala gigomo gi bhiyidwego khu likhabi.

Dhaniyeli 9:26

Khu hwane nya livbandre na limwedo magumi dzisemana, Gihathwa gya Pfhumu, gi na songwa, kha gu na manega uye nya gu mu emele. Lidhoropa ni nyumba nya miphaso, si na khungumudwa khu dzinyimbi dza mufumeli a na gutago. Mahegiso gwaye gu na gira nga ndrambi yi resago nyimbi ni gu sasela nya gupfhungumule kala mahegiso; si vegisidwe kharato.

Mikeya 3:12

Khu guralo, khu kotani yanu, Siyoni gu na limwa nga lithembwe, ni Jerusalema gu na khala litala nya siwindri, ni gigomo nya Nyumba ya Nungungulu, gi na khala gigomo nya likhabi.

Matewu 24:2

Aholu a di va hakha, khuye: “Mu ngu si wona satshavbo sesi? Khu lisine nyi ngu mi embeleni nya gukheni kha gi na tshala giwindri vbatshani nya giwindri gikwawe satshavbo si na pfhungumudwa.”

Luka 21:6

“Li nguta litshigu si na pfhungumudwago satshavbo sesi mu si wonago, nyamba tshala ni giwindri gimwegyo vbatshani nya giwindri gikwawe.”

Mithumo 6:14

Kholu hi mu pwide na gu ganela khuye Jesu wule wa Nazareta a na fuvisa wulanga wowu, a vbindrugedza tumbunugo hi nga tshiyedwago khu Mosi.”

Gutuledwa 11:2

Aholu, u nga pimi likupakupa li randredego Nyumba ya Nungungulu khu vbavbandze, kholu li ningedwe va nya mayigo va na gandredzelago Lidhoropa nya Gukatege ndrani nya magumana na mivili migima yitago.