Marko 13:13 - Bhibhiliya Nya Guage

¹³ Mu na vengwani khu wathu vatshavbo kotani nya lina langu. Aholu oyu a na timiselago kala mahegiso a na vbanyiswa.

Marko 13:13 Iomraidhean Croise

Dhaniyeli 12:12

Kategide wule a na gu lirelago kala guvbela likhumi na mararu mazana ni magumararu na livbandre matshigu (1.335).

Matewu 10:22

Gasi enu mu na zondrwa khu vatshavbo khu kotani nya lina langu. Aholu uye a na tsaramago kala mahegiso a na vbanyiswa.

Matewu 24:13

aholu uye a na gu tsaramago kala mahegiso a na vbanyiswa.

Matewu 24:9

Khavbo avbo, va na mi yisa gusaniswani, va na mi songa; mu na zondrwa khu mayigo yatshavbo, khu kotani nya lina langu.

Marko 13:12

Muthu a na ningela ndriyaye a songwa, babe a ningela gyanana; sanana si na wugela vavelegi vawe, si va songisa.

Luka 21:17

Mu na nyenywa khu vathu vatshavbo khu kotani nya lina langu.

Luka 6:22

“Mu kategide mwa gu vengwa khu vathu, va mi tutumisa, vbakari gwawe va mi vala ni gu nyenya lina lanu khwatshi li di nyenyeza, khu kotani ya Mwamana wa Muthu.

Johane 15:21

Va na mi gira satshavbo sesi, khu kotani nya lina langu, kholu kha va muti wule a nyi rumedego.

Johane 17:14

Nyi va hevbudzide mahungu yago, aholu va nya litigo va ngu va zondra kholu avo kha va lumbi litigo, kha nga eni neni nyi si lumbigo litigo.

Varoma 2:7

A na ninga guvbanya nya gupindruge vale va dzi garadzago khu guthuma mithumo nya gululame, vale va mu dhumisago ni gu mu rungudza na va gu dwanela gu mana womi nyamba vbela.

Vagalatiya 6:9

Hi nga garali khu gu gira esi nya sadi. Kholu, ha gumba rereka, hi na vbwera khu gikhati gyakone.

Vahebheru 10:39

Khu guralo, ethu kha hiri vathu nya gubwelele hwane hi ya gumbembani. Aholu, hi vale va khodwago gasi gu vbanyisa mihefemulo yawe.

Vahebheru 3:14

Khu lisine, ethu hi ngu hengela ni Kristo, gambe hi na simama gu hengela naye, ha gu tiya kala mahegiso ni gutumba hi nga bani hiri nago guhegulani.

Jakobe 1:12

Kategide muthu a timiselago gu lingwa kholu, hwane nya gu na lingidwe, a na hakha gihugu nya guvbanye gi nga tumbiswago khu Pfhumu ga vale va mu golago.

1 Johane 3:13

Vandriyangu, mu nga liwugi mwa gu zondrwa khu vathu va mafuni momu.

Gutuledwa 2:10

U nga khali hwanga khu gu wona gutshaniseka gu gu viredego. Ndrani nya matshigu yaya, Sathane a na khothela pasoni vambe ni vambe vbakari nya libandla lanu, gasi gu va lingwa. Mu na wona gutshaniseka nya gukhongolo gipimo nya likhumi matshigu. Tumba kala gufa, nyi na gu ambagisa gihugu nya womi nyamba bela.

Gutuledwa 3:10

Kha nga ulo u nga landrisago magana nya gutimisele gwangu, eni neni nyi na gu vhikela gikhati litigo latshavbo li na lingwago gasi gu wona khu mani a tiyidego mafuni.