Marko 12:6 - Bhibhiliya Nya Guage

⁶ Na tshaledwe basi khu mwamana waye nya gigodwa, a di mu rumela, na gu alakanya gukhuye: ‘Va na ya ninga githawo mwamana wangu.’

Marko 12:6 Iomraidhean Croise

Genesi 22:12

Yi di engedza gambe yi mu embela, khiyo: “U nga khusi libogo lago u songa gyanana, u nga gi bayisi. Olu nyi ngu wona gukheni u na ni githawo ga Nungungulu, kholu khwa nyi bombela mwanago, gyanana gyago gya gimwegyo basi.”

Genesi 22:2

A di mu embela, khuye: “Dzega mwanago Isaki, gyanana gyago gya gimwegyo basi u gi golago ngudzu, u bela ndzilani u gu hongola tigoni ga Muriya. Nu vbohide iyoyo, u na mu songa u gira khuye mhamba nya phaso nya guvbiswe, gigomoni nyi na gu nonedzago.”

Genesi 37:3

Israyeli a di gola ngudzu Josefa guvbindra simbe sanana saye, kholu a diri gyanana a nga velegedwa muwukhosaneni gwaye. A di rumisa gu a giredwa ngandzu nya gumbure, nya mivala nya mingi ni gulapha mawogo.

Genesi 44:20

Ethu hi hakhide ga pfhumu yathu, khethu: Hi na ni babe a gumbidego, ni ndriyathu a ngari gu gyanana, a mu velegidego wukhosaneni waye. Ndriyaye fude, gutshala uye basi ndrani ga mayi waye. Babe waye a gu mu gola ngudzu.

Dzindzimo 2:12

Khidzimani mawundruni ga mwamana gasi a si gorogi, mu si mbembi na mu ngari ndzilani, kholu hwane nya gikhatinyana a na tala khu likhulo. Va kategide vatshavbo vale va thavelago gwaye.

Dzindzimo 2:7

Nyi na huwelela nyi tivisa thetho wa Pfhumu Nungungulu. Uye a di nyi embela, khuye: Uwe u Gyanana gyangu, muhuno nyi gu velegide.

Isaya 42:1

Wonani githumi gyangu, gihathwa gyangu nyi gi sayisago, gi nengedzisago monyo wangu. Nyi thede Liphuvbo langu avbo gwaye, gasi a yise gululama ga va nya mayigo.

Matewu 1:23

“Dzitini nya gukhenu gyagadzyana nya mbiri gi na khura mimba, gi velega gyanana nya gikhwathana gi na ranwago gupwani khigyo Emanuweli” (gu tshamusago, gupwani: “Nungungulu womo vbakari gwathu.”)

Matewu 11:27

Satshavbo nyi ningidwe khu Babe wangu. Mwalo a mu tigo Mwamana vbavbandze ga Babe ekha, gambe mwalo a mu tigo Babe vbavbandze ga Mwanaye ekha ni wule Mwamana a dzinago gu mu tulela.

Matewu 17:5

Na nga guganela, li dita lipfhi nya gungangamele lita va fenengedza khu mwedzi waye; khu vbakari nya lipfhi gu di pwala lito, na li gu, khilo: “Oyu khu Mwamana wangu nya gu mu haladze ngudzu, a tsakisago monyo wangu; mu yingiseni.”

Matewu 26:63

Aholu Jesu a di hodza gikhukhu a degula. Khavbo avbo, Muphasi nya Khongolo a di mu embela, khuye: “Nyi ngu gu ruma khu lina la Nungungulu a vbanyago: Nga nyi embela: Ina kamwe uwe khuwe Kristo, Mwamana wa Nungungulu, gani?”

Matewu 3:17

Khavbo lito nya gute khu Ndzadzini li di, khilo: “Oyu khu Mwamana wangu nya guhaladzege ngudzu, a nengedzisago monyo wangu.”

Marko 1:11

Khu Ndzadzini li di pwala lito, li nga, khilo: “Uwe u Mwamana wangu nya gigodwa ngudzu, monyo wangu wu ngu tangadziswa khuwe.”

Marko 12:5

A di rumela gambe gimbe, vaya gi songa. Khavbo avbo, a di va rumela simbe nya singi, gasi avo va di si veta, simbe va si songa.

Marko 12:7

Aholu valimi va di embeledzelana khu gyawe, khavo: ‘Khuye oyu a na tshalago ni thomba, hongoleni hi mu songe, hifela gu tshala nayo ethu.’

Marko 9:7

Khavbo avbo, li di tshiga lipfhi li nga ta va fenengedza; Khu vbakari nya lipfhi li di pwala lito na li gu, khilo: “Oyu khu Mwamana wangu nya gigodwa, mu yingiseni.”

Luka 3:22

Liphuvbo nya Guage li di tshiga lita mbaka vbatshani gwaye kha nga lituva. Li dita lito khu Ndzadzini li nga, khilo: “Uwe u Mwamana wangu nya gigodwa ngudzu; u nengedzisago monyo wangu.”

Luka 9:35

Khu vbakari nya lipfhi li di pwala lito li nga, khilo: “Oyu khu Mwamana wangu nya gu mu haladze. Mu yingiseni.”

Johane 1:14

Lito li di dzi gira muthu, li gu vbanya vbakari gwathu. Ethu hi wonide gidhumo gyaye, gidhumo li nga ningwago khu Babe waye, kha nga Mwamana wa moyo nya gutale khu wuhigo ni lisine.

Johane 1:18

Mwalo muthu a wonidego Nungungulu. Mwanaye wa moyo a gu Nungungulu, a guromo monyoni ga Babe, khuye a nga hi tulela gu muti.

Johane 1:34

Nyi si wone khu maho yangu; nyi ngu fakaza nya gukheni uye Mwamana wa Nungungulu.”

Johane 1:49

Natanayeli a di mu hakha, khuye: “Rabi! Uwe u Mwamana wa Nungungulu; u Pfhumu ya na Israyeli.”

Johane 3:35

Babe a ngu gola Mwanaye, gambe vegide silo satshavbo mandzani gwaye.

Johane 5:23

gasi vatshavbo va rungudze Mwamana kha nga idzo va rungudzago khidzo Babe. Uye a si rungudzigo Mwamana kha rungudzi Babe a nga mu rumelago.

Vahebheru 1:6

Gikhati Nungungulu a nga rumelago Mwamana waye wa moyo, a di ganela gambe, khuye: “Dzingilozi dzatshavbo dza Nungungulu dzi na mu khozele.”

1 Johane 4:9

Khidzo kharato Nungungulu a nga yeyedza lihaladzo laye ga ethu. Nungungulu a di rumela Mwamana waye wa Moyo tigoni, gasi ethu hi mane guvbanya khu kotani yaye.

3 Johane 1:1

Eni, lidhota nya Libandla, nyi ngu losa Gayo nyi mu golago khu lisine.