Marko 12:24 - Bhibhiliya Nya Guage

²⁴ Jesu a di va hakha, khuye: “Ina khandri mwa gu kanganyisega khu gumba pimani milowo ni tshivba ya Nungungulu, gani?

Marko 12:24 Iomraidhean Croise

Genesi 18:14

Ina gyomo gilo a gi tandregago Pfhumu Nungungulu, gani? Khu matshigu nya nga aya, mwaga wutago, nyi na wuya gambe khavba, Sara a na bani nari ni gyanana nya gikhwathana.

Isaya 25:8

A na fuvisa gufa kala gupindruga; Mune Pfhumu Nungungulu a na bavbula marongo dzikhovbeni gwatshavbo, a na dusa dzitshoni ga vathu vaye mafuni gwatshavbo, kholu Pfhumu Nungungulu ganede kharato.

Isaya 26:19

Vafi vago va na bwelo khavbo va vbanya, si na duga khu marowoni sirumbi sa vathu vago, wugani mu ghiya, enu mwatshavbo mu ladego umo nya kudzudzwane nya mafu, kholu thondrwane yago uwe Pfhumu Nungungulu, ya gu fanana ni thondrwane nya guvbanyise mitongwe, kholu mafu ma na bwelo khavbo ma dusa vale va fudego.

Isaya 8:20

Nga khedzani umo nya Nayo ni wufakazi! Wa gumba ganela khu maganelelo yaya, vathu gima kha va na wona gugya.

Jeremiya 32:17

Oh! Uwe Pfhumu Nungungulu wangu, khuwe u giridego ndzadzini ni mafuni khu tshivba yago nya yikhongolo ni libogo lago nya guthawuluge; avbo gwago gimwalo gi si kodzegigo.

Dhaniyeli 12:2

Vatshavbo va ladego umo nya kudzudzwane nya mafu va na wuga, vambe va na wugela guvbanyani nya gupindruge, vambe va wugela guya dzitshonini, gusanisekani nyamba vbela.

Hoseya 13:14

Eni nyi na va dzegisa tshivbani nya liphala nya guete, nyi va tshudzisa lufuni. Gasi olu uwe lufu, yomo hayi mitungu yago? Uwe liphala nya vafi, gomo hayi gumbembisa gwago? Maho yangu gimwalo ni gimwegyo ma gi wonago nya gu dzi laye khigyo.

Hoseya 6:2

Khu hwane nya matshigu mavili basi, a na wuyisa nyaluphye guvbanya gwathu, khilo nya wuraru, a na hi wusa, hi vbanya mbeli gwaye.

Hoseya 6:6

Kholu eni nya gu tsakiswa khu lihaladzo, guvbindra dzimhamba dzanu, ni guti Nungungulu, guvbindra miphaso yanu nya guvbiswe.

Hoseya 8:12

Ambari nyi nga va lovelago mazanazana nya milayo yangu, avo isoso va di si wona nga gilo nyambana giphaso.

Matewu 22:29

Jesu a di va hakha, khuye: “Mu dzi pembide, khu gumbatini Milowo nya Guage ni tshivba ya Nungungulu.

Marko 10:27

Khavbo avbo, Jesu a di va khedzisa a gu va hakha, khuye: “Ga vathu kha si kodzegi, aholu ga Nungungulu si ngu kodzega, kholu, gwaye gimwalo gi si kodzegigo.”

Marko 12:23

Khu litshigu nya guwuge khu gufani, nyamayi wule a na lumba mani, olu a nga khala mwangadzi wa vatshavbo nya livbandre na vavili?”

Marko 12:25

Kholu, khu gikhati nya guwuge khu gufani, vama kha va na dzega, ni vanyamayi kha va na dzegwa, aholu vatshavbo va na khala kha nga dzingilozi dza Ndzadzini.

Luka 1:37

kholu ga Nungungulu gi mwalo gi si kodzegigo.”

Johane 20:9

Va di si gu yi pimisi gwadi milowo yile, yi gu, khiyo: “Uye a na wuga khu ga vafudego.”

Johane 5:39

Enu mwa gu fulugutela Milowo na mu gu alakanya gu mana guvbanya nya gupindruge; khiyo kamwe Milowo yi fakazago khu eni.

Mithumo 17:11

Vajudha va Bhereya va diri ni myonyo nya yadi guvbindra va Tesalonika. Va di hakha magana khu githawo, va gu khedza Milowo matshigu yatshavbo gasi gu wona, khidzo, khandridzo gani.

Varoma 15:4

Kholu satshavbo si guromo omu nya Milowo nya Guage si lovedwe gu khala gihevbudzo gwathu, gasi hi mane gutumba khu kotani nya gutimisele hi gu manago umo nya Milowo nya Guage.

Vaefeso 1:19

guliwugisa nya tshivba a yi girago khu kotani gwathu, ethu hi khodwago. Khiyo tshivba yeyi a nga yi wonegisa khu tshivba ni tshivba

Vafilipi 3:21

Uye a na vbindrugedza givili gyathu nya gusolege a gi gira gi fanana ni givili gyaye nya gungangamele, khu tshivba a fumago khiyo siloni satshavbo.