Marko 12:2 - Bhibhiliya Nya Guage

² Na yi vbohide nango nya guvbwere, a di rumela githumi gyaye ga valimi vale gasi guya hakha gwawe mihandro nya lithembwe.

Marko 12:2 Iomraidhean Croise

2 Dzipfhumu 17:13

Pfhumu Nungungulu a di embede va na Israyeli ni va na Judha, khu vaprofeti vaye vatshavbo ni vatuguli nya misihalo vaye vatshavbo, khuye: “Vbindrugedzani dzindzilani gwanu nya guvivbe, mu landrisa sileletelo sangu ni milayo yangu, kha nga idzo wu rumago khidzo Nayo nyi ningidego vababe vanu, owu nyi mu rumedego khu ga sithumi sangu, a gu vaprofeti.”

2 Dzikoronika 36:15

Pfhumu Nungungulu wa vababe vawe, a di va rumela magana yaya khu ga sirumwa saye, gasi gu va dundrugisa; kholu a di gu pwela gisiro vathu vaye gumogo ni Nyumba yaye.

Ezira 9:11

eyi U yi rumedego khu maganani nya sithumi sago vaprofeti, khuwe: Litigo muyago ga ilo gasi guya li fumelani, litigo li nyenyezidego khu kotani nya guvivbe ga vathu valo, ni manyala ma tadzidego malangani gwawe gwatshavbo.

Dzindzimo 1:3

A gu fanana ni simbo wu yadwego bambe nya tsongo, wu ningago mihandro khu nango yakone, mahagane yaye kha ma wuni; sigiro saye satshavbo sa gu duga gwadi.

Jeremiya 35:15

Gukhugela gale nyi mi rumedeni sithumi sangu, vaprofeti, gasi si mi embela, khiso: Vbindrugedzani mu ndreya ndzilani nya guvivbe, mu gira mithumo ya yadi mu si landreli vambe vanungungulu gasi mu va khozela; khu kharato mu na simama gu khala ga litigo nyi mi ningidego enu ni vababe vanu; aholu enu mu di sega dzindzeve dzanu mu si dzumeli gu nyi yingisa.

Jeremiya 44:4

Gukhugela guhegulani nyi mi rumedeni vaprofeti, a gu sithumi sangu guta mi kawuka gukheni, mu nga giri silo nya gunyenyeze kholu Eni kha nyi si goli.

Mikeya 7:1

Libango langu! Kholu nya gu fanana ni gikhati nya guvbwerwe mihandro nya nango nya maronga; gu mwalo ni gitsatsa gimwegyo gi tshadego nya dziuvha nya guhodze, ambari ndzawa nya guvidzwe nyi yi golago ngudzu.

Zakariya 7:7

Kha mwa ma pwani magana ya Pfhumu Nungungulu a nga ma tivisago khu magana ya vaprofeti va gale, matshiguni yale Jerusalema gu nga bani gu vbanya vathu khu gurula gumogo ni madhoropa yaye ma mu randredego, gikhati sipandre nya mayigo ya Negebhi ni Sefela ma nga bani ma tade khu vathu, gani?”

Matewu 21:34

Na yi vbohide nango, a di rumela sithumi saye ga valimi vale, gasi guya hakha mihandro yi mu lumbago.

Marko 12:1

Khu hwane, Jesu a di phela gu ganela vbakari gwawe khu sipimaniso, khuye: “Muthu nya gukari a di yala lithembwe nya miuvha, a li bhiya, a gira gikhwathi, a vbaha gitezi, na vbedzide, a di tshiyedza valimi, a endra a gu hongola hwindzo.

Marko 12:3

Aholu, avo va diya gi mola, va gi veta, va gi bweledza nyambana gilo.

Luka 12:48

Gasi gile gi na girago, khu wuhangi, silo si fanelago dzimboma, gi na kwapwa vbadugwanana. Kholu, ga wule a nga ningwa nya singi a na hengudwa ngudzu; wule a nga thembwago ngudzu a na lombwa ngudzu.”

Luka 20:10

Vbanangotunu, a di rumela githumi gyaye ga valimi vale, gasi guya hengisa wadwa wu nga bani wu mu lumba. Aholu valimi va diya gi veta va wuya va gi tutumisa nyamba gi ninga gilo.

Vahebheru 1:1

Gale Nungungulu ganede dzinyondro nya dzingi ga vababe vathu khu maganelelo nya guhambanelane khu magana ya vaprofeti.