Marko 12:17 - Bhibhiliya Nya Guage

¹⁷ Khavbo avbo, Jesu a di va embela, khuye: “Ningelani ga Sezari esi si gu sa Sezari, ni ga Nungungulu esi si gu sa Nungungulu.” Va di samadziswa ngudzu khuye.

Marko 12:17 Iomraidhean Croise

Mavingu 23:26

Nyivbe monyo wago, mwanangu, maho yago ma na landrise dzindzila nyi gu yeyedzago.

Mavingu 24:21

Mwanangu, thava Pfhumu Nungungulu, gumogo ni mufumeli, u nga dzi tshanganisi ni vale va golago pfilupfilu.

Malakiya 1:6

Pfhumu Nungungulu a ngu ganela ga vaphasi nya mhamba, khuye: Gyanana gi ngu gola babe waye ni githumi nigyo gi ngu ninga githawo ga mune waye; eni nya gu bani nyiri babe wanu, khu gevbini githawo mu nyi ningago?

Matewu 22:21

Va di hakha, khavo: “Khya Sezari.” Khavbo avbo, a di va embela, khuye “Ina kha, ningani ga Sezari iso si gu sa Sezari, ni ga Nungungulu iso si gu sa Nungungulu.”

Matewu 22:22

Na va pwide phindrulo yeyi, va di liwuga ngudzu, va gu mu diga va hongola.

Matewu 22:33

Gidzemo, na gi mu pwide, gi di liwuga ngudzu khu sihevbudzo saye.

Matewu 22:46

Mwalo a nga dzi kodzago gu mu phindrula. Gukhugela avbovbo kha va mu tiyela gambe gu mu wudzisa gilo.

Matewu 8:10

Na pwide magana yaya, Jesu a di mu liwuga ngudzu, a gu embela avo va nga bani va gu mu landra, khuye: “Nyi ngu mi embelani, khu lisine, kheni: Gima nyi si gu mani muthu nya gukhodwe nga oyu tigoni momu ga Israyeli!

Marko 12:16

Na va mu ningide. A di va wudzisa, khuye: “Gasi gifananiso ni milowo yeyi khya mani?” Va di khavo: “Khya Sezari.”

Marko 12:30

U na gola Pfhumu Nungungulu wago khu monyo wago watshavbo, khu hefemulo wago watshavbo, khu mapimo yago yatshavbo ni tshivba yago yatshavbo.’

Luka 20:25

Khavbo avbo, a di va embela, khuye: “Ina ka, ningelani ga Sezari iso si gu sa Sezari, ni ga Nungungulu iso si gu sa Nungungulu.”

Varoma 12:1

Nyi ngu mi lomba vandriyangu khu wuhindzi wa Nungungulu, gukheni mu dzi ningele wurumba wanu mu khale mhamba nya guvbanye, nya gukatege, nya gunengedzise Nungungulu. Eyi khiyo mhamba nya lisine nya maningano yi tsakisago Nungungulu.

Varoma 13:7

Khavbo avbo, livbani muthu ni muthu esi a gu fanelo. Livbani mikhupo ni gikhaba ni mihengo ga vale mu gu ni fanelo nya gu va livbe; ningani githawo vale va gu ni fanelo nya guningwe githawo, mu gu rungudza wule a fanelago gu rungudzwa.

Varoma 6:13

Mu nga ningelini ga gighoho sivbango nya givili gyanu mu si girani silo nya guthumele guvivba. Aholu, dzi ningeleni ga Nungungulu nga vathu va tshatugidego gufa va gu mana guvbanya. Dzi ningedzeleni wurumba wanu gu thumela Nungungulu, mu dzi gira sivbango nya guthumele silo nya gululame.

1 Pedro 2:17

Vegani githawo ga vathu vatshavbo, haladzani vandriyanu nya gukhodwe, thavani Nungungulu mu vega githawo ga mufumeli.