Marko 11:33 - Bhibhiliya Nya Guage

³³ Va di hegisa khu gukhavo: “Ahati.” Khavbo avbo, Jesu a di khuye: “Eni neni Kha nyi mi embelini omu nyi yi manago tshivba nya gugire esi.”

Marko 11:33 Iomraidhean Croise

Joba 5:13

A gu mola va nya gugengela khu mano yawe, a phalalegisa makungo ya va nya guvivbedwa khu monyo khu guvbiredza.

Isaya 1:3

Mombe yi ngu muti mune waye, buru niyo, yi ngu giti gighowolo gya mune waye; aholu Israyeli, kha nyiti, vathu vangu kha va pimi gilo.”

Isaya 56:10

Va woneleli vawe vatshavbo, sikhumu, kha vati gilo; vatshavbo va gu fanana ni dzimbwa nya sidudu, nyamba kodza gu huhula; va gu gola gu wotela, va khala na va lade, va lora dzindroro nya wugara.

Hoseya 4:6

Vathu vangu va pfhungumudwe, khu gumbana mapimo. Kholu uwe u bombide guti, eni neni kha nyi gu vbweti, u khala muphasi nya mhamba mbeli gwangu, kholu u hambanide ni nayo wa Nungungulu wago, eni neni nyi na divala khu sanana sago.

Matewu 15:14

Va digeni; sikhumu si vbwetago gu phara kunga sikhumu sikwawe! Kholu gikhumu gya guvbweta gu phara kunga gikhumu gikwawe, sa sivili si ngu ya thegela phalani.”

Matewu 16:4

Mela yoyu nya vathu nya guvivbedwe khu monyo, va si khodwigo, wa gu lomba giyeyedzo! Aholu kha va na ningwa gimbe giyeyedzo vbavbandze nya giyeyedzo gya Jona.” Khavbo avbo, a di va ditsha a khuga a gu hongola.

Matewu 21:27

Khavbo avbo, va di mu hakha, khavo: “Ahati.” Uye nuye a di va hakha, khuye: “Eni neni kha nyi mi embelini umo nyi yi manago tshivba nya gugire esi!”

Marko 11:32

Aholu ha gukhethu gu diri ga vathu, hi na wugedwa khu vathu, kholu vatshavbo va di gu wona Johane kha nga muprofeti nya guvbelele.”

Marko 12:1

Khu hwane, Jesu a di phela gu ganela vbakari gwawe khu sipimaniso, khuye: “Muthu nya gukari a di yala lithembwe nya miuvha, a li bhiya, a gira gikhwathi, a vbaha gitezi, na vbedzide, a di tshiyedza valimi, a endra a gu hongola hwindzo.

Johane 3:10

Jesu a di phindrula, khuye: “Uwe u gu Muhevbudzi tigoni ga Israyeli, khu mati mahungu yaya, gani?

Johane 9:27

A di va hakha, khuye: “Nyi mi embedeni, kha mu vbweti gupwa; mwa gu nyi wudzisela ginani gambe? Mwa guvbweta gu khala nenu vapizane vaye, gani?”

Varoma 1:28

Kha nga avo va ngamba thela kota khu guti Nungungulu, Nungungulu nuye a di va diga va landra mapimo yawe nya guhandruge, gasi va gire iso nyamba yela.

2 Vakorinto 3:15

Kala na muhuno, tshalu yoyo yi nga romo myonyoni gwawe, yi va segela gikhati gyatshavbo va hevbulago Nayo wa Mosi.