Marko 11:31 - Bhibhiliya Nya Guage

³¹ Va di phela gu ganedzisana khu gyawe, khavo: “Ha gukhethu gu diri ga Ndzadzini, a na khuye khu ginani mu ngamba khodwa khugo?

Marko 11:31 Iomraidhean Croise

Matewu 16:7

Va di gu wudzisana khu gyawe, khavo: “Mwendro khulo hi nga diga sibaba.”

Marko 11:30

Ina gubhapatisa ga Johane gu diri ga Ndzadzini, mwendro gu diri ga vathu? Nyi ningeni phindrulo.”

Marko 11:32

Aholu ha gukhethu gu diri ga vathu, hi na wugedwa khu vathu, kholu vatshavbo va di gu wona Johane kha nga muprofeti nya guvbelele.”

Johane 1:15

Johane a di mu fakazela, a gu ganela, khuye: “Khuye oyu nyi nga mu thula, kheni: Uye atago khu hwane gwangu a nyi thangede, kholu a di romo na nyi si velegwi.”

Johane 1:29

Gandra ni dzimindru, Johane a di wona Jesu, a nga bani a gu mu tela a ganela, khuye: “Kha mu yi woni yile Nvutana ya Nungungulu yi dusago gighoho nya litigo.”

Johane 1:34

Nyi si wone khu maho yangu; nyi ngu fakaza nya gukheni uye Mwamana wa Nungungulu.”

Johane 1:36

Na khuside maho a khedza Jesu a nga bani a guvbindra, a di khuye: “Kha mu yi woni yile Nvutana ya Nungungulu.”